خۆسێ مۆخیکا ، کە بە سەرۆکە هەژارەکەى جیهان دەناسرێت، نەخۆشى و تەمەن زۆریان بۆ هێناوە و توشى نەخۆشى بووە، خۆشى دەڵێت، کاتى ئەوەیە پشوو بدات، لە میدیاکانى جیهانییەوە وەک سەرۆکێکى خەمخۆر و دوور لە گەندەڵى وەسف دەکرێت.
ئەو سەرۆکەی خۆی لەگەلەکەی جیانەکردبووەوە و یەک دۆلاری لە هیچ بانکێکدا نەبوو، سەرۆکى پێشوترى ئۆرۆگواى، تووشی نەخۆشیەکی مەترسیداربووە و پێش ئەوەى ماڵئاواى یەکجارى بکات خۆى ماڵئاوایی کرد.
خۆسێ مۆخیکا کە بە هەژارترین سەرۆک لە
جیهاندا ناودەبرێت، لە سەرۆکایەتیەکەیدا ڕەتیدەکردەوە لە کۆشکی سەرۆکایەتی بژى و
٩٠٪ ی مووچەکەشی کە تەنیا چوار هەزار دۆلار بوو، دەبەخشیە ڕێکخراوە خێرخوازەکان.
لە کاتی گەنجێتیدا خۆسێمۆخێکا بەهۆی رەخنەگرتنی
لە رژێمی سەرکوتکەری ئۆرۆگوای، ١٢ ساڵ لە زینداندا بووە.
دوای ئازادکردنیشی چووەتەوە ناو سیاسەتەوە و
بووە بە وەزیرى تەندروستى و پاشان ئەندامى ئەنجومەنى پیران.
٢٠١٠ خۆسێ مۆخیکا بووە
سەرۆکیئۆرۆگوایو دەستى کرد بە جێبەجێکردنى بەرنامەکانى، یەکەم
هەنگاویش لە خۆیەوە دەستى پێکرد.
کاتێکیش دەچوو بۆ کۆشکی سەرۆکایەتی، کەژاوەی
ئۆتۆمبیلی گرانبەها و پاسەوانى نەبوو، بەڵکوو بە ئۆتۆمبیلێکی هەرزانبەهای مۆدێل
١٩٨٧ لە جۆری (ڤۆڵکس واگن) دەڕۆیشت، بەبێ پاسەوان و سکرتێر.
ساڵی ٢٠١٥ دەسەڵاتی خۆسێ مۆخێکا کۆتایی هات،
لەهەڵبژاردنەکانیشدا جارێکی تر خۆی کاندید نەکردەوە و لە خانووە کۆنەکەیدا دەژیا.
بەڵام سەرۆکە خاکى و دەستپاکەکە تەمەن و
نەخۆشى بڕستیان لێبڕیووە و دووچارى نەخۆشی شێرپەنجەبووەتەوە.
مۆخیکا کە تەمەنى نزیک دەبێتەوە لە ٩٠ ساڵ
دەڵێت، تەمەنى گەیشتووەتە کۆتایی و ئامادەیە هەر کاتێک بێت پێشوازى لە مەرگ بکات و
دواى زانینى نەخۆشییەکەشى ماڵئاوایی کرد و وتى کاتى ئەوەیە ئیتر پشوو بدات.
هەرچۆنێک بێت خۆسێ مۆخێکاکاتێک
دەسەڵاتی گرتەدەست،پشتگیری زۆری لە چینی هەژاران دەکرد و وڵاتەکەی لە
گەندەڵی پاککردەوە و ئابوری بوژاندەوە، هەروەها پۆست و پارە وایلێنەکرد، دواى
سەرۆکایەتییەکەشى لە مێژوودا وەک سەرۆکێکى خەمخۆر و دڵسۆز تۆمارکراوە و ناوى بۆ
هەمیشە وەک رابەرێکى دەستپاک و دور لە گەندەڵى دەمێنێتەوە.