AM:09:44:01/12/2024
3340 جار خوێندراوەتەوە
دوای کۆبونەوەیان رۆژی رابردوو لەگەڵ یەکێتی سەرۆکی پارتی سۆسیال دیموکراتی کوردستان رایگەیاند، لە کۆبوونەوەکەدا باس لە دۆخی سیاسی و ئەگەری ئەو ئاڵۆزییانەی بونەتە مایەی هەڕەشە و هەوەها گفتوگۆ دەربارەی پرسی پێکهێنانی کابینەی دەیەمی حکومەتی هەرێمی کوردستان کرا.
محەمەد حاجی مەحمود لە کۆبونەوەکەشدا ئاماژەی بەوەش کرد، سەرکەوتنی پرۆسەی هەڵبژاردنی خولی شەشەمی پەرلەمانی کوردستان بە دەستکەوتێکی گرنگ و مێژوویی بە قازانجی گەل و وڵاتە هەڵسەنگاند.
ئەوەشی خستەڕوو،
"گفتوگۆمانکرد دەربارەی پرسی پێکهێنانی کابینەی دەیەمی حکومەتی هەرێمی
کوردستان و هەردوو لا هاوڕا بووین لەسەر دیاریکردنی یەکەمی دانیشتن و سوێند خواردنی
ئەندامانی خولی شەشەمی پەرلەمانی عێراق کە دەکاتە ٢ـی کانونی یەکەمی ٢٠٢٤.
باسی لەوەشکرد،
هەردوولا گفتوگۆی بنیاتنەر و بەرهەمداری نێوان هێز و لایەنە سەرکەوتووەکان بە پێویست
و گرنگمان زانی بۆ تێپەڕاندنی ئەم قۆناغە و پێکهێنانی حکومەتی نوێ.
