PM:07:27:29/11/2024
9552 جار خوێندراوەتەوە
ئاژانسی ئەلعەرەبییە بڵاوی کردەوە بەهۆی گرژییەکانی نێوان سوپای سوریا و هێزە چەکدارەکان تاوەکو ئیستا ٢٧٣ کەس گیانیان لەدەستداوە. ئاژانسی جەزیرەش دەڵێت، شارەکە کەوتووەتە ژێر دەستی گروپە چەکدارەکان.
ماوەی دوو رۆژە شەڕ لەنێوان هێزە چەکدارەکان و سوپای سوریا لە گوندەکانی نزیک حەلەب دەستی پێکردووە و بەهۆیەوە بەشێکی زۆی دانیشوانی ئەو گوندە ئاوارە بوون.
بەگوێرەی زانیارییەکانی ئاژانسی ئەلعەرەبییە ١٤ هەزار سوری لەنێو
وڵاتەکەدا ئاوارە بوون و ٢٧٣ کەسیش گیانیان لەدەستداوە.
ئاژانسی جەزیرەش دەڵێت، ٧٠ بەشی شارەکە کەوتووەتە ژێر دەستی گروپە چەکدارەکان و حکومەتی سوریاش لە راگەیەندراوێکدا باسی لەوە کرد، شارەکە هێشتا لەژێردەستی سوپادایە و رێگری دەکەن لە بەرەوپێشچوونی هێزە چەکدارەکان.
ئەوەش لە کاتێکدایە، ماوەی ١٢ ساڵە چەندان جار گروپە چەکدارەکان هەوڵیان
داوە دەست بەسەر حەلەبدا بگرن و لە ساڵی ٢٠١٢ توانیان دەست بەسەر بەشێکی شارەکەدا
بگرن کە گەورەترین پارێزگای سوریایە و تەنها ٣١٠ کیلۆمەتر لە دیمەشقی پایتەختەوە
دورە.
