PM:05:19:21/11/2024
2608 جار خوێندراوەتەوە
دادگای تاوانی نێودەوڵەتی رایگەیاند، بەتاوانی ئەنجامدانی تاوانی جەنگ لە غەززە فەرمانی دەستگیرکردن بۆ سەرۆک وەزیرانی ئیسرائیل و وەزیری بەرگری پێشووی ئیسرائیل و سەرۆکی گروپی چەکداری قەسام دەرکردووە.
ئەمڕۆ پێنجشەممە، ٢١ـی ١١ـی ٢٠٢٤ دادگای تاوانی نێودەوڵەتی رایگەیاند، بنیامین ناتانیاهۆ سەرۆک وەزیرانی ئیسرائیل و یۆئاف گالانت وەزیری بەرگری پێشووی ئیسرائیل ماوەی ساڵێکە لە غەززە تاوانی جەنگیان ئەنجامداوە و بەو هۆیەوە فەرمانی دەستگیرکردنیان بۆ دەرچووە.
ئەوەشی خستووەتە روو، دانپێدانانی ئیسرائیل بە دەسەڵاتی دادوەری
دادگاکە بۆ جێبەجێکردنی فەرمانی دەستگیرکردن پێویست نییە و جێبەجێ دەکرێت.
باسی لەوەش کردووە، ناتانیاهۆ و گالانت تاوانی جەنگیان دژ بە
فەڵەستینییەکان ئەنجامداوە و دەستیان لە کوشتنی هاوڵاتی بێتاوان و برسیکردنی
فەڵەستیننەکاندا هەیە.
ئاماژەی بەوەش کردووە، فەرمانی دەستگیرکردن بۆ محەمەد ئەلزیف سەرۆکی
گروپی چەکداری قەسامیش دەرکردووە کە لە ماوەی رابردوودا ئیسرائیل رایگەیاند، لە
ئۆپراسیۆنێکدا کراوەتە ئامانج و کوژراوە.
