AM:08:30:19/11/2024
876 جار خوێندراوەتەوە
ماوەیەکە نرخی نەوت لە بازاڕەکانی جیهاندا بەردەوامە لە دابەزین و ئەمڕۆش لەگەڵ کردنەوەی بازاڕە جیهانییەکان بەرمیلێک نەوتی خاوی برێنت بە ٧٣ دۆلار و ٤٤ سەنت مامەڵەی پێوە دەکرێت و بەراورد بە دوێنێ بەرزبووەتەوە.
ئەمڕۆ سێشەممە، ١٩ـی ١١ـی ٢٠٢٤، بە گوێرەی پێنوێنیی جیهانی، نرخی بەرمیلێک نەوتی رۆژئاوای تێکساس بە ٦٩ دۆلار و ٢٧ سەنت مامەڵەی پێوە دەکرێت، هاوشێوەی نەوتی برێنت نرخەکەی بەرزبووەتەوە.
دابەزینی نرخی نەوت لە ماوەی چەند رۆژی رابردوودا دەگەڕێتەوە بۆ ئەو
زریانەی کە لە مەکسیک دروست بوو، کاریگەری کردە سەر بەرهەمهێنانی نەوت و غاز لە ئەمریکا.
هاوکات، دوای بردنەوەی دۆناڵد ترەمپ لە هەڵبژاردنی سەرۆکی ئەمریکادا و
سیاسەتەکانی بۆ سزادانی ئێران و فەنزوێلا نرخی نەوت دابەزینی بەخۆیەوە بینی.
