لەماوەی ئەم هەفتەیەدا بانکی ناوەندیی عێراق، زیاتر لە یەک ملیار و ٤٣٤ ملیۆن دۆلاری بە نرخی فەرمی بە بانک و بازرگانەکان فرۆشتووە، بەراورد بە هەفتەی رابردوو رێژەکە کەمی کردووە.
لە ١٠ تاوەکو ١٤ـی ١١، بانکی ناوەندیی عێراق بە تێکڕا یەک ملیار و ٤٣٤ ملیۆن و ٩٨٢ هەزار و ٥٠٥ دۆلاری بە نرخی فەرمی بە بانک و بازرگانەکان فرۆشتووە.
هاوکات، لەو رێژەیە بڕی ٥٤ ملیۆن دۆلاری
بەشێوەی کاش فرۆشراوە و بەرترین فرۆشیش لە رۆژی دووشەممە ١١ـی ١١، تۆمار کراوە و
زیاتر لە ١٩ ملیۆن دۆلار فرۆشراوە.
هەر بەپێی داتاکان، بڕی یەک ملیار و ٣٨٠ ملیۆن
و ٧٨٢ هەزار و ٥٠٥ دۆلاری بەشێوەی حەواڵەی دەرەکی فرۆشراوە، بەرزترین فرۆشی حەواڵە
لە رۆژی سێشەممە ١٢ـی ١١، بووە و بە تێکڕا زیاتر لە ٢٨١ ملیۆن دۆلار فرۆشراوە.
ئەوەش لەکاتێکدایە، لە ٣ تاوەکو ٧ـی ١١، بانکی ناوەندی بە تێكڕا یەک ملیار و ٤٤٧ ملیۆن و
٢٠١ هەزار و ٧٠٣ دۆلاری فرۆشتووە، لەو رێژەیە ٤٦ ملیۆن دۆلاری بە شێوەی کاش و بڕی
یەک ملیار و ٤٠٠ ملیۆن و ٦٠١ هەرزار و ٧٠٣ دۆلاری بەشێوەی حەواڵەی دەرەکی فرۆشراوە.