PM:01:34:11/11/2024
928 جار خوێندراوەتەوە
وەزیری دەرەوەی عێراق رایگەیاند، هێشتا مەترسییەکانی شەڕ بەردەوامە و نایانەوێت خاک و ئاسمانی عێراق بکەوێتە ناو جوگرافیای شەڕەوە. دەشڵێت، کاری لە پێشینەی عێراق هەوڵدانە بۆ بەدوورگرتنی وڵات لەهەر هەڕەشە و مەترسییەکی جەنگ.
فوئاد حسێن وەزیری دەرەوەی عیراق لە چاوپێکەوتنێکی لەگەڵ رۆژنامەی شەرقلئەوسەت رایگەیاند، مەترسی فراوانبونی رووبەڕی ململانێ لە ناوچەكە هێشتا گەورەیە، بەهۆی بەردەوامی جەنگ بۆ سەر كەرتی غەززە و لوبنان. وتیشی، ئەگەر ئەو جەنگە بەوشێوەیە بەردەوامبێت، دەبێتەهۆی هەڵگیرساندنی جەنگی تر لە ناوچەکە.
ئاماژەی بەوەش کرد، هەر هەڕەشەیەك بۆ سەر
عێراق بەجدی وەردەگرن لە هەر لایەنێكەوە بێت، بەوپێیەی هێرش و وەڵامدانەوەی ئاشکرا
هەیە لە نێوان ئسرائیل و ئێران و لەو نێوانەدا هۆشداری دەدەن لە بەکارهێنانی خاک و
ئاسمانی عێراق.
باسی لەوەش کرد، لەگەڵ لایەنی ئێرانی
گفتوگۆیان کردووە و پێیان راگەیاندوون کە بەهیچ شێوەیەک خاکی عێراق بەکارناهێنن بۆ
هێرشکردنە سەر ئیسرائیل.
