لە بابەتێکی ماڵپەری " ويب طب" دا هاتووە، چاندنی قژ سوودی هەیە و وەک چارەسەر دادەنرێت بۆ:

١.ئەو کەسانەی بەدەست رووتانەوەی قژیان دەناڵێنن، بەشە تەنکبووەکەی قژ پڕدەکاتەوە.

٢.چارەسەری هەڵوەرینی قژ دەکات.

بەپێ لێکۆڵینەوە زانستییەکانیش، چاندنی قژ لەپاڵ سوودەکانی زیانیشی هەیە، کە بریتین لە:

١.خوران: کاردانەوەیەکی سروشتییە و ئاماژەیە بۆ ئەوەی جەستە دەستیکردووە بە وەڵامدانەوە، بەڵام گرنگە بە هیچ شێوەیەک نەیخورێنی چونکە زیانت بە پێستی سەرت دەگەیەنێت.

٢.ئاوسان: یەکێکە لە کاریگەرییە لاوەکییە باوەکان، بەو مانایەی کە پێستی سەر دەستی بە چاکبوونەوە کردووە.

٣.برین: زۆر جار پێستی سەر تووشی برین دەبێت.

٤.پەڵە: رەنگە هەندێک پەڵە لەسەر پێستی سەر دەربکەوێت، یان هەندێک جار توند و ئازاربەخش بن و ڕەنگیان سوور بێت.

٥.دروستبوونی هەستیاری لە نزیک چاو.

بۆ ئەم مەبەستە پزیشکان کۆمەڵێک ئامۆژگاری دەخەنە روو بۆ خۆپاراستن لە زیانەکانی چاندنی قژ

-پێش نەشتەرگەریی چاندنی قژ بە پزیشک بڵێ دەربارەی هەر دەرمانێک کە بەکاریدەهێنیت نەک هەستیاریت پێی هەبێت.

-خواردنی دەرمانی دژە هەوکردن یان دەرمانی ئازارشکێن، کە پزیشک دوای پرۆسەی چاندنی قژ بۆت دەنووسێت.

-باشتر وایە چەند هەفتەیەک پێش نەشتەرگەریی هیچ جۆرە دەرمانێک نەخۆیت یان جگەرە نەکێشیت.

-چوون بۆ ناوەندێکی پزیشکی مۆڵەتپێدراو و تایبەتمەند دەبێتە هۆی دوورکەوتنەوە لە کێشەکانی وەک هەوکردن یان بەکارهێنانی ئامێری پیس و ناتەندروست.