میدیا جیهانییەکان بڵاویان کردەوە، لە ئەنجامی بارانبارینی بەخوڕ و دروستبوونی لافاو لە رۆژهەڵاتی ئیسپانیا ٦٤ کەس گیانیان لەدەستدا.
ئەمڕۆ چوارشەممە، میدیا جیهانییەکان بڵاویان کردەوە، بەهۆی دروستبوونی لافاوەوە لە ئەنجامی بارانبارینی بەخوڕ لە رۆژهەڵاتی ئیسپانیا، ٦٤ کەس گیانیان لەدەستداوە و هێزە ئەمنییەکان خراونەتە حاڵەتی ئامادەباشی.
ئاماژە بەوەش کراوە، هەر
بەهۆی لافاوەکەوە چەندین کەسی دیکە بێسەروشوێن بوون و ژمارەیەکیش گیریان خواردووە،
جگە لەوەش دەیان ئۆتۆمبێل و ماڵ ژێرئاو کەوتوون.
باس لەوەش کراوە، بەهۆی
بەهێزی لافاوەکەوە پێشبینی دەکرێت ژمارەی گیانلەدەستدان زیاد بکات.
لایخۆیەوە، مارگرێتا رویس وەزیری بەرگری ئیسپانیا رایگەیاند، دۆخەکە
مەترسیدارە و هەزار
سەرباز بە پاڵپشتی هێلیکۆپتەرەکان لە ناوچەکەدان بۆ هاوکاریکردنی هاوڵاتیان و رزگارکردنیان.
لە سەرەتای ئەم
هەفتەیەوە بارانێکی بەخوڕ و بایەکی بەهێز رووی لە ناوچەکانی باشوور و ڕۆژهەڵاتی
ئیسپانیا کردووە و بەهۆیەوە لافاوێکی بەهێز لە ڤالێنسیا و ناوچەی ئەندەلوس دروست
بووە.