AM:10:30:24/10/2024
3452 جار خوێندراوەتەوە
سەلاحەدین دەمیرتاش رایگەیاند، ئەگەر سەرکردەی زیندانیکراوی کورد لە ئیمراڵی، دەستپێشخەری رێگەچارەی سیاسی بكات، بە هەموو هێزی خۆیانەوە پشتیوانی دەكەن، هاوکات عومەر ئۆجەلان رایگەیاند، رۆژی چوارشەممە چاوی بە سەرکردە زیندانیکراوەکە کەوتووە و ئامادەیە بۆ ئەوەى داواى چەک دانان لە گەریلاکانى قەندیل بکات.
سەلاحەدین دەمیرتاش لە زیندانەوە باسی لەوەکردووە، بەهیچ شێوەیەك ئەمجارە رێگە بە سەركوتكردنی ئەو دەنگانە نادەن كە ئاشتییان دەوێت و هیچ رێبازێك قبوڵ ناكەن كە ئامانجی لەكەداركردنی دیموکراسی و گەڕان بەدوای ئاشتی بێت.
لای خۆشیەوە
موراد قەرەیلان فەرماندەی بڕیارگەی ناوەندی پاراستنی گەل ئاماژەی رایگەیاند، ئەوان
دژی پڕۆسەی چارەسەری دیموکراتی نین و ئەگەر ڕەوشێکی باش بێتە کایەوە کە بەرژەوەندی
تورکیا لەبەرچاو بگرێت و وڵاتپارێزی ڕاستەقینە بگرێتەخۆ، ئەوا کوردیش ناڵێت نەخێر.
هاوکات، عومەر
ئۆجەلان، پەرلەمانتاری دەم پارتی و برازای سەرکردەی زیندانی کراوی کورد لە ئیمراڵی
رایگەیاند، رۆژى چوارشەممە لە زیندانی ئیمراڵی سەردانی سەرکردەکەی کردووە و ماوەی
دوو کاتژمێر گفتوگۆیان کردووە.
وتیشی، لەکاتی
چاوپێکەوتنەکەیدا سەرکردە کوردەکە وتویەتی،
ئامادەیە داوا لە گەریلاکانى قەندیل بکات چەک دابنێن بەمەرجێک گۆشەگیرییەکەی
لەسەر هەڵبگیرێت و دەرفەتی پەیوەندیکردنی بۆ بڕەخسێندرێت.
ئەمەش دوای ئەوە دێت، جارێکی دیکە پرسی پڕۆسەی
ئاشتی لە تورکیا و ئازادکردنی عەبدوڵا ئۆجەلانی سەرکردەی زیندانیکراوی کورد لە ئیمراڵی
بووە باس و خواسی میدیاکانی تورکیا و ناوچەکە، ئەوەش دوای ئەوەی سەرۆکی پارتی مەهەپە
لە پەرلەمانی تورکیا پێشنیاری چاوخشاندنەوەی كرد بە مەرجەكانی سزای هەتاهەتایی بۆ
سەر عەبدوڵا ئۆجەلان، بەو مەرجەی بێتە پەرلەمان و پەکەکە هەڵبوەشێنێتەوە.
