دوێنێ کانێکی خەڵوز لە باشووری ئێران تەقییەوە و بەهۆیەوە تاوەکو ئێستا ٥١ کەس گیانیان لەدەستدا و ٢٠ کەسی دیکەش بریندار بوون.
ئاژانسی ئێرنای ئێران رایگەیاند، ژمارەی گیانلەدەستدان و بریندارەکانی تەقینەوەی کانە خوڵەزەکە زیادیکردووە و تاوەکو ئێستا ٥١ کەس گیانیان لەدەستداوە و ٢٠ی دیکەش بریندار بوون.
ئاژانسەکە ئەوەشی خستووەتەڕوو، بڵاوبوونەوەی گازی میسان بووەتە هۆی
دروستبوونی تەقینەوەکە لە دوولای کانەکەوە و لەو کاتەشدا بەلایەنی کەمەوە نزیکەی
٧٠ کرێکار لەناو کانەکەدا بوون.
لەئێستادا تیمەکانی فریاگوزاری بەردەوامن لە کارەکانیان گەڕان بەدوای کرێکاری دیکەدا، بەڵام بەهۆی پەنگخواردن
و چڕبوونەوەی گازی میسان لەناو تونێلەکاندا، لە دوێنێوە پڕۆسەی رزگارکردنەکە ئاسان
نەبووە.
ئەمە یەکەم رووداوی گەورەی تەقینەوەی کان نییە لە ئێران، لە ساڵی
٢٠١٧دا ٤٢ کرێکار و لە ساڵی ٢٠١٣شدا ١١ کرێکار بە و لە ساڵی ٢٠٠٩شدا ٢٠ کرێکار بە
هەمان هۆکار گیانیان لەدەستداوە.
ئێران سەرەڕای هەناردەی نەوت، دەوڵەمەندە بە چەندین کانزای جۆراوجۆر
و ساڵانە ٣.٥ ملیۆن تۆن خەڵوز هەناردەی وڵاتان دەکات.