وەزارەتی تەندروستیی عێراق بە ئێن ئاڕ تی راگەیاند، بەردەوامن لە دابینکردنى پشکی دەرمان بە هەموو جۆرەکانیەوە بۆ هەرێمی کوردستان، لە سۆراغێکی ئێن ئاڕ تیشدا دەرکەوتووە، دەرمانەکان لە کۆگاکانی تەندروستیی عێراقن بەڵام حکومەتی هەرێم مانگانە لە کاتی خۆیدا ناچێت دەرمانەکە وەربگرێت.
بەرپرسی راگەیاندنی وەزارەتی تەندروستی عێراق بە ئێن ئاڕ تی راگەیاند، پشکی دەرمانی هەرێم لە بودجەی عێراقدا بڕی ٢٠٩ ملیار دیناری بۆ دیاریکراوە و بەردەوامیشن لە دابینکردنی دەرمان بە هەموو جۆرەکانیەوە بۆ هەرێم، هەر پارێزگایەکیش بەپێی ژمارەی دانیشتوان و نەخۆشخانەکانی رێژەی دەرمانی بۆ دیاریکراوە.
پاش ئەو لێدوانە، ئێن ئاڕ تی سۆراغێکی لەبارەی هاتنی دەرمان لە بەغداوە ئەنجام دا و بۆی دەرکەوتووە، دەرمانەکان لە کۆگاکانی تەندروستیی عێراقن
بەڵام حکومەتی هەرێممانگانە لە کاتی خۆیدا ناچێت دەرمانەکە وەری بگرێت.
ئێن ئاڕ تی ئەوەشی زانیوە، حکومەتی هەرێم ئەم کارە لەپێناو قازانجی
پارتی و یەکێتی لە نەخۆشخانە ئەهلییەکاندا دەکات، هەر بۆ ئەو مەبەستەش دەرمانیان
لە نەخۆشخانەی حکومیدا کەم کردووەتەوە، ئەو گرێبەستانەشی کە بۆ دابینکردنی دەرمان
هەیانبوو هەڵیانوەشاندووەتەوە.
بەپێی زانیارییەکان، لە ئێستادا کەمتر ٥٠٪ـی پێویستیی دەرمان لە
نەخۆشخانەکاندا هەیە، بەتایبەت نەبوونی دەرمانی شێرپەنجە یەکێکە لەو گرفتانەی کە
چەند ساڵێکە سلێمانی پێوەی دەناڵێنێت.
ئەوەش لەکاتێکدایە، لە هەرێمى کوردستان تەنها٨٣نەخۆشخانەى گەورەى حکومی هەن، بەڵام ٦٢ نەخۆشخانەى ئەهلى هەن،
نەبوونىدەرمانو پێداویستىی پزیشکى و بایکۆت و دانەمەزارندنى کارمەند
بوون بە نیشانەی نەخۆشخانە حکومییەکان، هاوڵاتیانیش بەردەوام باس لە گرفتی کەمی
یاخود نەبوونی دەرمان لە دەرمانخانە حکومییەکاندا دەکەن.