بەشێکی زۆری خەڵک لە وەرزی هاویندا ئارەزووی خواردنەوەی ئاوی سارد دەکەن، بۆ ئەوەی کەمتر هەست بە گەرما بکەن و جەستەیان بە شێداری بمێنێتەوە.
بە گوتەی شارەزایان پێویستە لانی کەم رۆژانە ٨ بۆ١٠ پەرداخ ئاو بخۆیتەوە بۆ ئەوەی جەستە بە شێداری بمێنێتەوە، لەگەڵ ئەوەشدا خواردنەوەی ئاو لە پلەی گەرمی بەرزدا گرنگە بەو پێیەی کاریگەری لەسەر تەندروستیت هەیە، زۆر کەس پێی وایە خواردنەوەی ئاوی سارد باشترین بژاردەیە بۆ ئەوەی کەمتر هەست بە تیونێتی بکەیت و لە گەرمایی هاوین رزگارت بێت، بەڵام لە هەمان کاتدا زیانێکی زۆر بە جەستە دەگەیەنێت.
بەپێی ماڵپەڕی "timesofindia"، خواردنەوەی ئاوی سارد دوای بەرکەوتنی خۆر، دوای وەرزشکردن، یان دوای خواردن کاریگەری خراپی لەسەر جەستە دەبێت.
لێرەدا چەند هۆکارێک دەخەینەڕوو کە پێویستە خۆت بەدوور بگرێت لە خواردنەوەی ئاوی سارد:
١. کاریگەری خراپی لەسەر پرۆسەی هەرسکردن هەیە، هەندێک لە توێژینەوەکان ئاماژە بەوە دەکەن کە ئاوی سارد دەبێتە هۆی بچووکبوونەوەی خوێنبەرەکان، ئەمەش دەبێتە هۆی دروستبوونی کێشەی هەرسکردن.
٢. دەبێتە هۆی ئازاری قورگ، کاتێک ئاوی ساردی دەخۆیتەوە، دەبێتە هۆی دروستبوونی بەڵغەم و ئازاری قورگ ئەمەش وا دەکات هەندێک کەس کێشەی هەناسەدانیان هەبێت.
٣. دەبێتە هۆی سەرئێشە، خواردنەوەی ئاوی سارد ڕاستەوخۆ دوای بەرکەوتنی تیشکی خۆر دەبێتە هۆی ساردکردنەوەی زۆرێک لە دەمارەکان ئەمەش کاریگەری لەسەر مێشک دەبێت و دەبێتە هۆی سەرئێشە و ئەم دۆخەش هۆکارە بۆ زیادکردنی کێشەکە لەو کەسانەی کە کێشەی جیوبیان هەیە.
٤. کێش زیاد دەکات
ئەو کەسانەی دەیانەوێت کێشیان دابەزێنن پێویستە خۆیان لە خواردنەوەی ئاوی سارد بەدوور بگرن، بەو پێیەی ئەستەمە چەوری لە جەستەدا بسوتێنرێت، بەم شێوەیەش دەبێتە رێگر لە سووتاندنی چەوری و دابەزاندنی کێش.