PM:09:27:07/06/2024
29096 جار خوێندراوەتەوە
وەزارەتی پەیوەندییەکانی عێراق رایگەیاند، بەهۆی تاقیکردنەوەکانی پۆلی ١٢ سبەی لە کاتژمێر شەشی سەرلەبەیانی بۆ کاتژمێر هەشتی بەیانی هێڵەکانی ئینتەرنێت لە ناوچەکانی عێراق دەپچڕێت. هاوکات پچرانی هێڵەکانی ئینتەرنێت هەرێمی کوردستان ناگرێتەوە.
ئەمڕۆ هەینی، وەزارەتی پەیوەندییەکانی عێراق رایگەیاند، بەپێی رێنماییە باڵاکان و لەسەر داوای وەزارەتی پەروەردەی عێراق سبەێنی بۆ ماوەی دوو کاتژمێر هێڵی ئینتەرنێت لە تەواوی عێراق دەپچڕێت.
ئاماژەی بەوەش کرد، پچڕانی هێڵی ئینتەرنێت لە کاتژمێر شەشی
سەرلەبەیانی بۆ کاتژمێر هەشتی بەیانی دەبێت بەهۆی تاقیکردنەوەکانی پۆلی ١٢.
هاوکات، پچڕانی هێڵی ئینتەرنێت تەنها لە ناوچەکانی عێراق
دەبێت بەهۆی تاقیکردنەوەکانەوە و هەرێمی کوردستان ناگرێتەوە.
ئەمەش لەکاتێکدایە، هەموو ساڵێک لە کاتی ئەنجامدانی تاقیکردنەوەکان
بەتایبەت تاقیکردنەوەکانی پۆلی ١٢، لە عێراق و هەرێم بۆ ماوەی چەند کاتژمێرێک هێڵەکانی
ئینتەرنێت رادەگیرێن لەپێناو رێگری کردن لە ئەنجامدانی گزی.
