وەزیری دارایی و ئابووری حکومەتی کاربەڕێکەری هەرێم رایگەیاند، هەموو هەوڵێک دەدەن بۆ ئەوەی کێشەکان لەگەڵ بەغدا چارەسەر بکەن.
ئەمڕۆ سێشەممە ئاوات جەناب وەزیری دارایی و ئابووری حکومەتی کاربەڕێکەری هەرێم رایگەیاند، هەموو هەوڵەکانیان بەو ئاڕاستەیەن کە کێشەکانیان لەگەڵ بەغدا چارەسەر بکەن. دەشڵێت، " وەک یەک تیم لەگەڵ لیژنە هاوبەشەکانی دیوانی چاودێری دارایی عێراق و هەرێمی کوردستان کاریان کردووە".
وەزیری دارایی
حکومەتی کاربەڕێکەری هەرێم ئاماژەی بەوەش کردووە، لە کۆبوونەوەکەیان لەگەڵ هەیسەم
ئەلحەسەنی راوێژکاری ئابوری سەرۆک وەزیرانی عێراق و سەرۆکی تیمی رێکخستنی بەڕێوەبردنی
دارایی عێراق باسیان لە چارەسەری کێشەکانی نێوان هەرێم و بەغدا و چەند پرسێکی دیکە
کردووە.
هەر لە کۆبوونەوەکەدا
راوێژکاری سەرۆک وەزیرانی عێراق ئەوەی خستووەتە روو، سەرۆک وەزیرانی عێراق جدییە لە
چارەسەرکردنی کێشەکانی نێوان هەرێم و حکومەتی ناوەندی بەتایبەت کێشە دارایی و
ئابورییەکان.
دەشڵێت، ''هەماهەنگی
باش لەنێوان تیمە هاوبەشەکان و فەرمانگەکانی هەردولا هەیە بۆ یەکخستن و رێکخستنەوەی
سیستەمی ژمێریاری و تەرازوی پێداچونەوەی مانگانە''.