PM:05:28:31/12/2023
6392 جار خوێندراوەتەوە
بەڕێوەبەرایەتی هاتووچۆی هەولێر رایگەیاند، ئاگاداری سەرجەم شۆفێران دەکەنەوە بەهۆی قەرەباڵغی شەوی سەری ساڵەوە شەقامەکانی ئیسکان و بەردەم پارێزگا و شەقامی ١٠٠ مەتری بەردەم گۆڕستانی شێخ ئەحمەد و چەند شەقامێکی دیکەی هەولێر لە کاتژمێر حەوتەوە دادەخرێن.
ئەمڕۆ یەکشەممە، بەڕێوەبەرایەتی هاتووچۆی هەولێر لە راگەیەندراوێکدا بڵاویکردەوە، ئاگاداری سەرجەم شۆفێران دەکەنەوە بەهۆی هاتنی سەری ساڵەوە و دروستبوونی قەرەباڵغیەوە ئەمشەو چەند شەقامێکی سەرەکی هەولێر لە کاتژمێر ٧:٠٠ـی ئەم ئێوارەوە دادەخرێن تاوەکو کاتی ئاسایی بوونەوەی شەقامەکان.
ئاماژەی
بەوەش کرد، شەقامی ئیسکان هەردوو سایدی چوون و هاتن دادەخرێت، لەگەڵ داخستنی ئاڕاستەی
چوون بەرەو بازاڕی سەرجەم شەقامەکانی کە ئەوانیش شەقامی چوار ڕیانی زەیتونە و داون
تاون لەگەڵ شەقامی سینەما حەمرا و شەقامی بەردەم پارێزگا.
ئەوەشی
خستە روو، شەقامی ١٠٠ مەتری بەردەم گۆڕستانی شێخ ئەحمەد تا بەردەم فامیلی مۆڵ لەگەڵ
چوارڕیانی سەربەستی (جەوازات) تا چوارڕیانی هۆڵی شەهید مامۆستا سەعد بە ئاڕاستەی
چوون و هاتن دادەخرێت.
