سەرۆکی فەڕەنسا رایگەیاند، کۆتایی بە هاوکاریە سەربازییەکانی لە نەیجەر دەهێنێت و لە چەند مانگی داهاتوودا سەرجەم سەربازان و باڵوێزی وڵاتەکەی لە نەیجەر دەکشێنێتەوە.
رۆژی یەکشەممە، ئیمانوێل ماکرۆن سەرۆکی فەڕەنسا لە چاوپێکەوتنێکی تەلەڤزیۆنیدا رایگەیاند، فەڕەنسا بڕیاری داوە باڵوێزی خۆی لە نەیجەر بکشێنێتەوە و کۆتایی بە هاوکارییە سەربازییەکانی لەگەڵ ئەو وڵاتەدا بهێنێت.
ئاماژەی
بەوەشکرد، لە چەند مانگی داهاتوودا تەواوی هێزەکانی فەڕەنسا لە وڵاتی نەیجەر
دەکشێننەوە و چیتر هاوکاری ئەو وڵاتە ناکەن.
هاوکات پێشتر
دەزگای هاتوچۆی ئاسمانی و ئاسایشی ئەفریقا بڵاویکردەوە ، فڕۆکەکانی فەڕەنسا بە هیچ
شێوەیەک بۆیان نیە ئاسمانی وڵاتی نەیجەر ببڕن.
ئەمەش
لەکاتێکدایە لە دوای کودەتاکەی نەیجەر خۆپیشاندەران چەندین جار لە بەردەم باڵوێزی
فەڕەنسا گردبوونەوە و داوای کشانەوەی باڵوێز و سەربازانی فەڕەنسایان دەکرد لە
وڵاتەکەیان.
لە ٢٦ـی تەمووزدا پاسەوانی سەرۆکایەتی نەیجەر
بە سەرۆکایەتی عەبدولرەحمان چیانی کودەتای سەربازیان بەسەر سەرۆکی وڵاتەکە ئەنجامدا.