وەزارەتی بەرگری ئایزەربایجان رایگەیاند، جموجۆڵە سەربازییەکانیان لە سنوورەکانیان لەگەڵ ئەرمینا دەستیپێکردووتەوە و ئەو وڵاتەش داوای هاوکاری سەربازی لە روسیا دەکات.
رۆژی سێشەمە، وەزارەتی بەرگری ئازەربایجان بڵاویکردەوە، جموجۆڵە سەربازییەکانی ئەو وڵاتە لە ناوچەی کەرەباخ دەستیپێکردووەتەوە، دەشڵیت، بە هیچ شێوەیە هاوڵاتیان ئازار نادەن و رێڕەوی مرۆییان بۆدەکەنەوە تا لە ناوچەی جەنگ بچنە دەرەوە.
ئاماژەی بەوەشکرد، تەنها
سەربازان و شانە نوستووەکانی ئەرمینیا لەو ناوچەیەدا دەکەنە ئامانج.
لە بەرامبەر لەشکرکێشییەکانی
ئازەربایجان وەزارەتی دەرەوەی ئەرمینیاهاتەدەنگ و داوای لە سەربازانی ئاشتی پارێزی روسیا کرد بەپەلە بەهانای ئەرمینیاوە
بچن و رێگری لە دەستدرێژییەکانی ئازەربایجان بکەن بۆ سەر خاکی وڵاتەکەیان.
ئەوەشی خستەڕوو، "هیچ
بنکەیەکی سەربازیمان لە ناوچەی کەرەباخ نییە
و بەهانەکانی ئایزەربایجان بۆ هێرشکردنە سەر سنوورەکان بێمانان. "
ئەمە لەکاتێکدایە، زیاتر
لە سێ دەیەیە ئەو دوو وڵاتە لەسەر ناوچەی کەرەباخ لە کێشەدان، ئەرمینیا ئەو ناوچەیە بە بەشێک لە خاکی وڵاتەکەی دادەنێت،
چونکە ناوچەیەکی ئەرمەنی نشینە و ئازەربایجانیش لەسەر بنەمای ئەوەی لە سەردەمی
حوکمی سۆڤیەتدا ئەو ناوچەیە لەچوارچێوەی ئازەربایجانی سۆڤیەتدا بووە بە موڵکی خۆی
دەزانیێت.