ئاماژە بەوەشکراوە، لە کۆبوونەوەکەی نێوانیاندا پرسەکانی پەیوەست بە گرتنەبەری رێوشوێنی پێویست بۆ هاوکاری نێوان عێراق و وەزارەتی گەنجینەی ئەمریکا و پێداچوونەوەی کارە گرنگەکانی حکومەتی عێراقی لە جێبەجێکردنی چاکسازییە ئابووری و کارگێڕییەکان تاوتوێکراوە.

لە کۆبوونەوەکەدا سەرۆک وەزیران باسی لەوەکرد، بە ئامانجی چاکسازی دارایی حکومەت بەڵێنی داوە لەگەڵ بانکی ناوەندی کۆمەڵێک هەنگاو بنێت لەپێناو گەیشتن بە ئابوورییەکی بەرهەمدار.

وتیشی، " حکومەت پابەندە بە کارئاسانیکردنی پێویست لە بودجەی فیدڕاڵی بۆ ماوەی سێ ساڵ ."

لەبارەی چاکسازییەکان لە کەرتی بودجە و دارایدا جێگری وەزیری گەنجینەی ئەمریکا ئاماژەی بەوەکرد، توانیویانە متمانەی دامەزراوە داراییە نێودەوڵەتییەکان وەک سیتی بانک و جی جی بانک بگەڕێننەوە ،هاوکات هەوڵەکانیان بۆ کارکردن لەگەڵ بانکی ناوەندی عێراق بۆ گەیشتن بە سەقامگیری ئابووری دووپاتکردەوە.

لە کۆتاییدا جێگری وەزیری گەنجینەی ئەمەریکا بانگهێشتنامەی سەرۆک جۆ بایدنی گەیاندە بەڕێز سودانی بۆ سەردانی کردنی کۆشکی سپی بەمەبەستی گفتوگۆکردنی زیاتر لەسەر پەیوەندییە دوو قۆڵییەکانی نێوان هەردوو وڵات.