PM:09:57:15/09/2023
4600 جار خوێندراوەتەوە
کۆمپانیایەکی ئەمریکی جۆرێکی نوێی ئەمبوڵانس بە ئامانجی بەرەوپێشبردنی خزمەتگوزاریی و فریاگوزارییەکان دروست دەکات، کە توانای فڕینی هەیە و لە ماوەیەکی کەمدا دەگاتە شوێنی مەبەست.
رۆژنامەی دەیلی مەیلی بەریتانی بڵاویکردەوە، لە ماوەیەکی نزیکدا کۆمپانیای 'جەمپ ئایرۆ'ی ئەمریکی ئەمبولانسێکی نوێ بە ناوی ' جی ئەی ١ پوڵس' دروست دەکات کە توانای فڕینی هەیە و دەتوانێت لە هەرشوێنێک و هەر بارودۆخێکدا خزمەتگوزاری تەندروستی پێشکەش بکات.
رۆژنامەکە ئاماژەی بەوەشکرد، ئەمبوڵانسە
نوێیەکە هاوشێوەی کەشتییەکی ئاسمانییە کە لەتوانایدایە بەخێرایی ٤٦٠ کیلۆمەتر لە
کاتژمێرێکدا بفڕێت و لە ماوەی هەشت خولەکدا بگاتە شوێنی مەبەست.
ئەوەشی خستەڕوو، ئەمبوڵانسە نوێیەکە تایبەتمەندی
هێلیکپۆپتەری 'ئیڤتۆڵ'ی هەیە کە هەڵسان و نیشتنەوە بە شێوەیەکی ڕاست و چەپی کارەبایی
ئەنجام دەدات و بۆ پەرەپێدانی تایبەتمەندییەکەی، کۆمپانیاکە گرێبەستێکی بە بەهای زیاتر
لە سێ ملیۆن دۆلار لەگەڵ هێزی ئاسمانی ئەمریکا واژۆکردووە.
