بەپێی ئامارەکانی وەزارەتی ناوخۆی مەغریب، ژمارەی ئەو کەسانەی لە بوومەلەرزەکەی بەرەبەیانی رۆژی هەینی گیانیان لەدەستدا بۆ دوو هەزار و ١٢٢ کەس بەرزبووەتەوە و زیاتر لە دوو هەزار و ٤٠٠ کەسیش بریندارن.
وەزارەتی ناوخۆی مەغریب رایگەیاند، ئاماری گیان لەدەستدانی بومەلەرزەکەی ڕۆژی هەینی مەغریب گەیشتووەتە دوو هەزار و ١٢٢ کەس هەروەها دوو هەزار و ٤٢١ کەس برینداربوون.
هاوکات شا محەمەدی شەشەم
پادشای مەغریب ئاماژەی بەوەکرد، سێ رۆژ ماتەمینی لە تەواوی مەغریب رادەگەیەنرێت و
ئاڵای مەغریب لەسەرجەم دام و دەزگاکان تا نیوە نزم دەکرێتەوە.
بەرەبەیانی رۆژی هەینی بومەلەرزەیەک بە گوڕی ٧.٢ پلەی رێختەر لە مەغریب
روویدا و لە یەکەم کاتژمێری دوای بومەلەرزەکەدا زیاتر لە هەزار کەس گیانیان لەدەستدا.
ئاژانسی جیۆلۆجی ئەمریکا
رایگەیاند، بومەلەرزەکەی مەغریب لە قوڵایی ١٨.٥ کیلۆمەتر بووە و ئەوەش بەهێزترین
بومەلەرزەیە کە لە ماوەی ١٢٠ ساڵدا لە ناوچەکە روویداوە.
وەزارەتی ناوخۆی مەغریب لە
راگەیاندراوێکدا ئاماژەی بەوەکردووە، بومەلەرزەکە شارەکانی حەوز و مەراکش و رزازات
و ئەزیلال و شیشاوە و تارودانتی گرتووەتەوە.