سەرۆک وەزیرانی هیندستان ڕایگەیاند، پێویستە بە زووترین کات هەناردەی دانەوێڵە و خۆراک لە روسیا و ئۆکرانیاوە دەستپێبکاتەوە و هەڕەشەکردن بە چەکی ئەتۆمی قبوڵنەکراوە.
نارێندرا مودی سەرۆک وەزیرانی هیندستان رایگەیاند، سەرکردەکانی کۆمەڵەی جی ٢٠ گەیشتوونەتە کۆدەنگی لەسەر ئەو کێشانەی ڕووبەڕووی ئەو کۆمەڵەکە دەبنەوە و دانوستانکاران سەرکەوتووبوون لە چارەسەرکردنی ناکۆکییە قوڵەکانی پەیوەست بە جەنگی ئۆکرانیا.
ئاماژەی بەوەشکرد،
داوامان لە هەموو دەوڵەتانی جی ٢٠ کردووە بە جۆرێک مامەڵە بکەن کە لەگەڵ ئامانج و
بنەماکانی نەتەوەیەکگرتووەکان رێکبکەوێت، هاوکات داوا لە ڕووسیا و ئۆکرانیا دەکەن دەستبەجێ گواستنەوەی دانەوێڵە و خۆراک لە هەردوو وڵاتەوە دەست پێبکاتەوە .
وتیشی، "بەکارهێنانی
چەکی ئەتۆمی یان هەڕەشەی ئەتۆمی بە هەموو شێوەیەک قبوڵنەکراوە."
ئەمەش لە کاتێکیە، ئەمڕۆ
یەکەمین لوتکەی کۆمەڵەی وڵاتانی جی ٢٠ بەرێوەچوو و بە فەرمی یەکێتی ئەفریقا بووە
ئەندامی هەمیشەیی کۆمەڵەکە و بڕیارە بۆ سبەینێش بەردەوام بێت.