PM:03:26:09/09/2023
3744 جار خوێندراوەتەوە
بانکی ناوەندی عێراق رایگەیاند، لە هەفتەی رابردوودا رێژەی فرۆشی دۆلار گەیشتووەتە زیاتر لە ٦٠٠ ملیۆن دۆلار و بەراورد بە هەفتەی پێشوتر نزیکەی ١٠٪ زیادیکردووە.
رۆژی شەممە، بانکی ناوەندی عێراق لە راگەیەندراوێکدا بڵاویکردەوە، لە ماوەی هەفتەی رابردوودا بڕی ٦٥٤ ملیۆن و ٨٨ هەزار و ٥٧٦ دۆلاری فرۆشتووە و بەراورد بە هەفتەی پێشوتر ١٠٪ زیادیکردووە کە بڕەکەی ١٩٧ملیۆن و ٢٦٣ هەزار و ٣٦ دۆلار بووە.
ئاماژە بەوەشکراوە، بەرزترین فرۆشی دۆلار لە رۆژی سێشەممەی رابردوودا بەبڕی زیاتر لە ٢٥٥
ملیۆن دۆلار بووە و کەمترین فرۆشی دۆلاریش لە رۆژی دوو شەممەدا بەبڕی زیاتر لە ١٩٧
ملیۆن دۆلار بووە.
ئەوەش خراوەتەڕوو، فرۆشی حەواڵەی دەرەکی زیاتر لە
٥٥٤ ملیۆن دۆلار بووە و بەراورد بە فرۆشی کاش کە زیاتر لە ٩٩ ملیۆن دۆلار بووە ٨٢٪
زیادیکردووە.
