رۆژی یەکشەممە، وەزارەتی بەرگری روسیا رایگەیاند؛ سیستەمی بەرگری ئاسمانی روسیا لە ماوەی ٢٤ کاتژمێری رابردوودا فرۆکەیەکی جۆری میگ-٣٩ی ئۆکرانیایان لە ناوچەی زاپۆرۆژی خستۆتەخوارەوە.
ئاماژەی بەوەشکرد، تا ئێستا ٣٤ فرۆکەی دیکەی بێفڕۆکەوان و پێنج موشەکی هیمارس لەگەڵ بۆمبێکی جۆری جدامی ئۆکرانیایان تێکشکاندووە.
ئەوەشی خستەڕوو، هێزەکانی روسیا لە چەند ناوچەیەکی دۆنتیسک چوار هێرشی ئۆکرانیایان
بەرپەچداوەتەوە و ٢٥٠ سەربازیان بڵاوەپیکردووە لەگەڵ تێکشکاندنی چەند ئۆتۆمبێلێک و
چەندین جۆر هاوەن.
ئەمەش لەکاتێکدایە، لە رۆژی ٢ی ئەیلول وەزارەتی بەرگری روسیا رایگەیاند؛
لە ماوەی یەک رۆژدا ٥٢٥ سەربازی ئۆکرانیایان کوشتووە و ٢٥ هێرشی ئاسمانیان پوچەڵ
کردۆتەوە.
لە ٢٤ـی شوباتی ٢٠٢٢ سوپای روسیا بە فەرمانی ڤلادیمیر پوتین سەرۆکی روسیا
جەنگی ئەو وڵاتە لەگەڵ ئۆکرانیا دەستیپێکرد و تا ئێستاش بەردەوامە.