PM:10:50:29/08/2023
2780 جار خوێندراوەتەوە
وتەبیژی حکومەتی یۆنان رایگەیاند: بەهۆى ژێرئاو کەوتنى دوو بەلەم لە نزیک دوورگەکانى یۆنان، پێنج کەس خنکان.
رۆژی سێشەممە، ئاکیس سکێرتسۆس وتەبێژى حکومەتى یۆنان ئاماژەی بەوەکرد، دوێنێ بەلەمێک لە نزیکەى دوورگەى لیسبۆس ژێرئاو کەوتووە و لە ئەنجامدا کۆچبەرێک خنکاوە و ١٨ کۆچبەرى دیکە لەلایەن هێزەکانى کەنار دەریاى یۆنانەوە رزگارکراون.
ئەوەشی خستووەتەڕوو، بەلەمەێکى دیکە لە نزیک هەمان
دوورگە کە ٧٥ کۆچبەرى تێدا بووە، ژێرئاو کەوتووە و لە ئەنجامدا چوار منداڵ خنکاون
و ئەوانى دیکە رزگار کراون.
ئەوەش لە کاتێکدایە، بەپێى ئامارى نەتەوە یەکگرتووەکان
لە هەشت مانگى ئەمساڵدا نزیکەى هەزار کۆچبەر لە دەریاى ناوەڕاست لە کاتى هەوڵدان بۆ
گەیشتن بە وڵاتانى ئەوروپا خنکاون.
