AM:10:46:23/08/2023
3896 جار خوێندراوەتەوە
ئێف بی ئای رایگەیاند، دوای دوو هەفتەی لە کەوتنەوەی ئاگرە کوشندەکەی دورگەی ماوی لە ویلایەتی هاوای لە ئەمریکا، نزیکەی هەزار و ١٠٠ کەس بێسەروشوێنن.
رۆژی چوارشەممە، بەپێی دوایین ئاماری کەرتە تەندروستیەکانی هاوای، تا ئێستا نزیکەی ١١٥ کەس بەهۆی بەردەوامی ئاگرکەوتنەوە لەو ویلایەتە گیانیان لەدەستداوە و ئەو ئاگرە بە کوشندەترین ئاگرکەوتنەوە دادەنرێت لە سەدەی نوێدا لە ئەمریکا.
ویلایەتی هاوای لە ئەمریکا و دانیشتوانەکەی
نزیکەی ملیۆنێک و ٤٠٠ هەزار کەسە ساڵانە بەهۆی هەڵکەوتە جوگرافییەکەی گەشتیارێکی زۆر
رووی لێدەکەن، نزیکەی دوو هەفتەشە ئاگرێکی مەترسیدار ئەو ناوچەیەی گرتوەتەوە.
وەک هێزی ئاگرکوژێنەوەی ئەو ویلایەتە
باسی دەکات، بەهۆی بوونی رەشەبای زۆر و نەگونجانی کەش و هەوا ناتوانن ئاگرەکە بە یەکجاری
کۆنترۆڵ بکەن.
