لەگەڵ بەردەوامی گەرمبوونی جیهان و کاریگەرییەکانی گۆڕانی کەش و هەوا، لێکۆڵینەوەکانیش جەخت لەوە دەکەنەوە کە دۆخی گەرما بوونی زەوی بەرەو خراپتر دەچێت.
ماڵپەڕی "تایم" لە بابەتێکدا چەند رێگەیەکی بۆ راهاتنی جەستە لەگەڵ گەرمادا بڵاوکردووتەوە، کە یەکێک لەو رێگەیانە خواردنەوەی ئاو و شلەمەنی زیاترە، تاکو جەستە لە وشکبوونەوە و هەست کردن بە گەرمای زیاتر بپارێزرێت.
ئاماژەی بەوەشکردووە، کە لە رۆژێکی گەرمدا پێویستە بەشداری چالاکییەکی
ئاسان و سووک بکەیت، بۆ نموونە راکردن یان ئەنجامدانی هەر وەرزشێك بۆ ماوەی ١٥ بۆ
٢٠ خولەک، تاکو جەستە بە ئارەقکردنەوە و گەرما رابهێنرێت، هەروەها لە رۆژانی
دواتردا ئەم کارە دووبارە بکرێتەوە.
ئەوەشی خستووتەڕوو، نابێت بۆ ماوەیەکی زۆر لەبەر گەرما و تیشکی خۆردا بمێنیتەوە،
ئەگەر کارەکەشت لە دەرەوە بێت و ناچار بیت لەبەردەم خۆردا بیت، ئەوا دەبێت هەر
کاتژمێر جارێک ماوەی ١٠ بۆ ١٥ خولەک پشوو وەربگریت و خۆت فێنک بکەیتەوە.
دەشڵێت، نابێت لە بەردەم تیشکی خۆردا ئاو بەرووخسارتدا بکەیت بۆ خۆ فێنککردنەوە،
چونکە دەبێتە هۆی سووتانی پێستی روخسار و زیان بە خانەکانی پێست دەگەیەنێت.
M.B