AM:11:14:08/08/2023
4176 جار خوێندراوەتەوە
لە کاتی کردنەوەی بازاڕی دراوەکان لە هەرێم نرخی ١٠٠ دۆلار بە ١٥١ هەزار و ٧٥٠ دینار بوو و بەراورد بە سەرەتای کردنەوەی بازاڕی دوێنێ نرخەکەی ٨٥٠ دینار بەرزبووەتەوە.
ئەمڕۆ سێشەممە لە کاتی کردنەوەی بازاڕی دراوەکانی شاری سلێمانی نرخی ١٠٠ دۆلار بە ١٥١ هەزار و ٧٥٠ دینار بوو لە کاتێکدا لە سەرەتای کردنەوەی بازاڕی دوێنێ نرخەکەی ١٥٠ هەزار و ٩٠٠ دینار بوو.
بڕیارە لەم هەفتەیەدا بانکی ناوەندی کۆمەڵێک رێکاری نوێ بۆ کۆنتڕۆڵ کردنی
نرخی دۆلار رابگەیەنێت و لەو بارەیەوە عەمار خەلەف جێگری پارێزگاری بانکی ناوەندی،
دەڵێت، " ئەگەری هەیە ئەو رێکارانە نرخی دۆلار بە شێوەیەکی بەرچاو نزم بکاتەوە."
کامەران قادر شارەزای ئابوری رایگەیاند، هۆکاری بەرزی نرخی دۆلار زۆر
خستنەڕووی دینارە لەلایەن حکومەتی عێراقی و کەمی خستنەڕووی دۆلارە لەلایەن بانکی
ناوەندی، ئێستا بازرگانەکان ئاگادار کراونەتەوە تەنیا بە دۆلاری بانکی ناوەندی دەتوانن
کاڵا هاوردە بکەن و ئەو بڕیارەش کاریگەری دەبێت لەسەر نرخی دۆلار و نزمی دەکاتەوە.
