بەگوێرەی داتاکانی بۆرسەی مۆسکۆ، نرخی رۆبڵی روسی بۆ یەکەمجار لەدوای ساڵی ٢٠٢٢، بەراورد بە دراوەکانی دۆلار و یۆرۆ بۆ نزمترین ئاستی دابەزی.
ئەمڕۆ هەینی، نرخی دۆلارێک گەیشتووەتە ٩٥ رۆبڵ، بەوپێیەش ١٠ کۆپیک لە نرخەکەی بەرزبووەتەوە.
هاوکات، نرخی یەک یۆرۆ گەیشتووەتە
ئاستی ١٠٤ رۆبڵ و نرخەکەی ٥٥ کۆپیک بەرزبووەتەوە.
بەپێی میدیا جیهانییەکان دابەزینی نرخی دراوی روسی بەهۆی جەنگی ئەو وڵاتەیە
لەگەڵ ئۆکرانیا و یەکێکی دیکەش لە هۆکارەکان سزا ئابورییەکانی ئەمریکا و رۆژئاوایە
بۆسەر روسیا.
لە ٢٤ـی شوباتەوە روسیا هێرشیکردووەتە سەر ئۆکرانیا و تا ئێستاش جەنگەکە بەردەوامە و ئەمریکا و وڵاتانی رۆژئاواش بە وەستانی هەناردەکردنی غازی روسی و دەرکردنی سیستمی بانکی وڵاتەکە لە سیستمی جیهانی سویفت و بلۆککردنی پارەی سەرمایەدارەکانی ئەو وڵاتە سزای ئابووری روسیا دەدەن.