هێزە ئاسمانییەکانی ئەمریکا نازناوی "X-Plane"ی بەخشییە پڕۆژە هاوبەشەکەی ئاژانسی فڕۆکەوانیی و بۆشایی ئاسمانی ئەمریکا (ناسا) و کۆمپانیای ئەمریکی بۆوینگ بۆ بەرهەمهێنانی فڕۆکە، پڕۆژەکەشی ناونا "X-66A".
بەگوێرەی راگەیەندراوێکی ئاژانسی ناسا، هێزە ئاسمانییەکانی ئەمریکا (USAF) لە چوارچێوەی ئامانجی کەمکردنەوەی گازە گەرمیبەخشەکان بۆ ئاستی سفر، نازناوی "X-Plane"ی داوەتە پڕۆژەی "X-66A".
فڕۆکەکان بەرپرسیارن
لە دروستبوونی نزیکەی نیوەی گازە گەرمیبەخشەکانی زەوی و لە ئێستاشدا دەتواندرێت لەڕێی
تەکنەلۆجیاوە ئەم گازانە کەم بکرێنەوە.
وا چاوەڕوان دەکرێت
لە ئەنجامی ئەو پڕۆژەیەی ناسا لە ماوەی حەوت ساڵدا ئەنجامی دەدات و وەبەرهێنانەکەی
بە ٤٢٥ ملیۆن دۆلار دەخەمڵێندرێت، فڕۆکەی جۆری "X-66A" دروست بکرێن کە باڵەکانیان زۆر تەنکە و
دەتواندرێت قەد بکرێن.
-
"X-Plane" چییە
شێوازی "X-Plane" کە بە فڕۆکەی تایبەت بە لێکۆڵینەوە دەگوترێت،
ئامانجی تاقیکردنەوەی دیزاین و تەکنەلۆجیای فڕۆکەکانە و سەرەتا لە ساڵی ١٩٤٠وە بیرۆکەی
ئەم شێوازەی فڕۆکە دەستیپێکردووە و X-66Aوەک "گرنگترین" فڕۆکە باس دەکرێت کە لە چوارچێوەی پڕۆژەی کەمکردنەوەی
گازە گەرمیبەخشەکاندا دروست کرابێت.
