ئاماژەی بەوەشکردووە، ئەمەش وادەکات بارانبارین زیاتر بێت لە ساڵانی پێشر لە رۆژهەڵاتی ناوەڕاست و کەنداو.

دەشڵێت، بوونی بارانبارین بەو واتایە نایە کە هاوینی ئەمساڵ گەرمای تێدا نابێت، بەڵکو گەرما دەبێت و تەنانەت لەهەموو ناوچەکان تێکڕای پلەی گەرمی وەرزانە دەچێتە سەروی نۆڕماڵەوە.

ئەو شارەزایەی بواری کەشناسیش دەڵێت، هاوینی ئەمساڵ گەرم دەبێت، بەڵام بەڕێژەی کەم بەوەش ئەو گەرمایەی دەیبێت جێی مەترسی نابێت و سەلامەتەو شتێکی ئاسایەو زیانی نابێت.

باسی لەوەشکردووە، لەمەوداکانی وەرزی گەرماو هاویندا، بای شەماڵ زۆرتر دەبێت لە هەرسێ هاوینی پێشتر کە شەماڵ خۆی دەبینیێتەوە لەبای باکور و باکوری خۆرئاوا، ئەم شەماڵە بەزۆری فێنکیەک دروستدەکات، بەڵام هەندێکجار گڕە دروستدەکات کاتێک شەپۆلی گەرما لەسەرناوچەکە بێت و شەماڵ چالاک و زیاد بکات.

شاڵاو هیدایەت باسی لەوەشکردووە، رێژنەباران و هەورە بروسکە لەمەوداکانی وەرزی هاویندا بوونی دەبێت و بە بڕ و کاریگەری زیاتر لەساڵانی پێشتر، ئەگەریشی هەیە هەندێک رەشەباشی تێدابن.

دەشڵێت، هەموو ئامانە ئاماژەی زۆر باش دەبن و نیشانەی ئەوە دەبن کەوەرزی دابارینی داهاتومان ٢٠٢٣ - ٢٠٢٤ زۆر باش دەبێت و سەخت دەبێت لەڕووی باران و بەفر و سەرماوە.