وەزارەتی پەروەردەی حکومەتی ماوەبەسەرچووی هەرێم رایگەیاند، سێ گۆڕانکاری نوێ لە تاقیکردنەوەی پۆلی نۆی بنەڕەتی دەکرێت لە رووی شێواز و رەنگ و تەکنیکەوە.
وەزارەتی پەروەردەی حکومەتی ماوەبەسەرچووی هەرێم راگەینراوێکی بڵاوکردەوە و تێیدا هاتووە سێ گۆڕانکاری دەکرێت لە پەڕەی سۆما و گروپی پرسیارەکانی تاقیکردنەوەی پۆلی نۆی بنەڕەتی گۆڕانکارییەکانیش و وێنەی رەنگاورەنگ و بابەتی زانست دەگرێتەوە.
گۆڕانکارییەکانی وەزارەتی
پەروەردە بۆ تاقیکردنەوەکانی پۆلی نۆ بەم جۆرەیە:
١. ناو
و زانیاری قوتابی لەسەر پەڕاوی تاقیکردنەوە و سۆما تۆمارکراوە و بەوەش قوتابیان پێویست
ناکات ناو زانیارییەکان لای خۆیانەوە لەسەر پەڕەی سۆما بنوسن.
٢. گروپی
پرسیارەکان کراوەتە ٢٦ گروپی پرسیاری جیا.
٣. پەڕاوی پرسیاری بابەتی زانست بە کوالێتی بەرز و
رەنگاورەنگ چاپکراوە.
ئەمەش لە کاتێکدایە، ئەمڕۆ
شەممە یەکەمین تاقیکردنەوەی نیشتیمانی پۆلی نۆی بنەڕەتی لە پارێزگاکانی هەرێم
بەڕێوەچوو و کۆتا تاقیکردنەوەش لە رێکەوتی ١٠ی ئایاری ئەمساڵ دەبێت.