رۆژی دووشەممە:
بە درێژایى رۆژ ئاسمانی هەرێم نیمچەهەور و هەورى تەواو دەبێت و پێشبینى باران بارین لە کاتەکانى دواى نیوەڕۆ هەیە. ئاستى دابارینیش نمەباران بۆ بارانى مامناوەند دەبێت و پێشبینى دابارین لە کاتەکانى دواى نیوەڕۆ لە سەر ناوچە شاخاوییەکان و نیمچە شاخاوییەکان و سەنتەرى پارێزگاکان لەگەڵ دروستبوونى هەورە بروسکە دەکرێت و بارانبارین شێوازى دابارینى ماوە کورت دەبێت .

رۆژى چوارشەممە:
لە ئەگەرى دروست نەبوونى گۆڕانکاری، نا سەقامگیرى کەشى ناوچەکە بەردەوامى دەبێت، ئاسمانی هەرێم هەورو نیمچە هەور دەبێت و پێشبینى دەکرێت دابارین کەمتربێت بە بەراوورد بە رۆژانى پێشووتر و ئەگەرى باران زیاتر لەسەر بەشێک لە ناوچە شاخاوییەکان دەبێت .

لەکۆتایی راگەیەنراوەکەشدا هاتووە، لەبەر ئەو کەشە ناسەقامگیریەى ئەو چەند رۆژەى داهاتوو، شەپۆڵێکى هەورە بروسکە لە کاتى بارانبارین هەیە لەسەر ناوچەکە، هەربۆیە کەشناسی هۆشداریدەداتە هاوڵاتییان دوورکەونەوە لە شوێنە بەرزەکان و ناوچە شاخاوییە بەرزەکان بۆ سەلامەتى و خۆپاراستن لە کاتی هەورەبروسکەدا.

ئەمە لەکاتێکدایە، هەر ئەمڕۆ بەڕێوەبەرایەتی گشتی کەشناسی هەرێم راگەیەنراوێکی بڵاوکردەوە و تیایدا هاتووە، ئەمڕۆ ئاسمان هەور دەبێت و تاوەباران دەبارێت و ئەگەری دروستبوونى هەورە بروسکەش هەیە.

دەشڵێت، لە ئێوارەدا بارانبارین لە پارێزگاى سلێمانى و ناوچە شاخاوییەکانى ئیدارەى راپەڕین و بەشێک لە ناوچە شاخاوییەکانى هەولێر زیاتر دەبێت.

لەبارەی پلەکانی گەرما بۆ ئەمڕۆ باسی لەوەکردووە، ئەمڕۆ بەراورد بە دوێنێ پلەکانی گەرما دوو بۆ سێ پلە دادەبەزن و کەش ساردتر دەبێت.