بە تۆمەتی ئەنجامدانی تاوانی جەنگ، دادگای نێودەوڵەتی تاوانەکان فەرمانی دەستگیرکردنی بۆ سەرۆکی روسیا و بە تۆمەتی پێشێلکاری مافی منداڵان بۆ کۆمیساری مافەکانی منداڵان لە ئۆفیسی سەرۆکی فیدراسیۆنی روسیا دەرکرد.
ئەمڕۆ هەینی، دادگای لاهای بە تۆمەتی ئەنجامدانی تاوانی جەنگ و دیپۆرتکردنەوە و گواستنەوەی نایاسایی منداڵان لە ئۆکرانیاوە بۆ روسیا فەرمانی دەستگیرکردنی بۆ ڤلادیمیر پوتین سەرۆکی روسیا دەرکرد .
دادگاکە باس لەوە دەکات،
دادوەرەکان پێش دادگاییکردنەکەی هەڵسەنگاندنیان کردووە و بڕیاریان داوە پوتین بەرپرسیارێتی
تاوانکاری تاکەکەسی لە ئەستۆدایە و تاکە هەڵگیرسینەری جەنگی روسیا و ئۆکرانیایە.
هاوکات، دادگاکە فەرمانی
دەستگیرکردنی بۆ ماریا ئەلێکسیڤنا کۆمیساری مافەکانی منداڵان لە ئۆفیسی سەرۆکی فیدراسیۆنی
روسیا بە تۆمەتی گواستنەوەی منداڵی ئۆکرانی دەرکرد.
ئەمەش لە کاتێکدایە، جەنگی
روسیا و ئۆکرانیا پێیناوەتە دووەم ساڵییەوە و لەو ماوەیەشدا چەندان جار ئۆکرانیا و
کۆمەڵەگەی نێودەوڵەتی روسیا و ڤلادیمیر پوتینیان بە ئەنجامدانی تاوانی جەنگ
تۆمەتبار کردووە.
ک.کــ