دژە تیرۆری کوردستان رایگەیاند، دوای ئەوەی لە شەوی رابردوو هەلیکۆپتەرێک لە ناحیەیەکی سەر بە پارێزگای دهۆک کەوتە خوارەوە، سەرجەم سەرنشینەکانی گیانیان لەدەستدا و تا ئێستا دیار نییە ئەو هەلیکۆپتەرە سەر بە چ لایەنێکە بەڵام لێکۆلینەوەکان بەردەوامە.
دژە تیرۆری هەرێم راگەیندراوێکی بڵاوکردەوە و تێیدا هاتووە، لە شەوی رابردوو کاتژمێر ٨:٤٠ی شەو هەلیکۆپتەرێک لە نزیک گوندی بێرکیات لە ناحیەی چەمانکێی سەر بە پارێزگای دهۆک کەوتە خوارەوە و سەرجەم سەرنشینەکانی گیانیان لەدەستدا.
ئاماژەی بەوەشداوە، لایەنە پەیوەندیدارەکانی حکومەتی هەرێم و عێراق
پەیوەندیان بە هاوپەیمانان و تورکیاوە کردووە لەبارەی رووداوی کەوتنە خوارەوەی هەلیکۆپتەرەکە بەڵام لە وەڵامدا وتویانە، "هەلیکۆپتەرەکە هی ئەوان نییە."
ئەوەشی خستووەتەڕوو، هێزە ئەمنییەکانی هەرێم دەستیان کردووە بە بەدواداچوون
و لێکۆڵینەوە ئاشکرایان کردووە کە ئەو هەلیکۆپتەرە لە جۆری "Eurocopter AS350 "ـە و ئەو
سەرنشینانەی تێێدابوون گیانیان لەدەستداوە، چەند ئەندامێکی پەکەکە بوون.
هاوکات، چاوگێک لە پەکەکە بە ئێن ئاڕ تی راگەیاند،
"ئەو هەلیکۆپتەرە و سەرنشینەکانی هیچ پەیوەندییان بە ئێمەوە نییە."
هێلیکۆپتەرەکە لە نزیک کەمپی
کۆمپانیایەکی نەوت لە چەمانکێ کەوتووەتە خوارەوە و تا ئێستا هۆکارەکەی نازانرێت، هێزە
ئەمنیەکان ڕێگریان کرد لەوەی میدیاکان بچنە شوێنی ڕوداوەکە و نازانرێت تەرمی ئەو حەوت
کەسەی کە تێیدا گیانیان لەدەستداوە لە کوێیە و چی بەسەرهاتووە، کە دەوتریت تەرمەکان
ژن و پیاویشیان تێدایە.
هێلیکۆپتەری AS350 فەڕەنسی بۆ کاری فریاگوزاری و چەند بوارێک بەکاردێت،
و توانای هەڵگرتنی شەش کەسی هەیە، نرخەکەی زیاتر لە دوو ملیۆن دۆلارە.
هەرچەندە دەنگۆی فراندنی هێلیکۆپتەرەکە
و چەندین دەنگۆی جۆراوجۆر لە تۆڕە کۆمەڵایەتیەکان بلاوبوەتەوە بەڵام تا ئێستا هیچ
کام لەو زانیارییانە پشت ڕاسنەکراونەتەوە