سبەینێ سەرۆکوەزیرانی عێراق سەردانی هەولێری پایتەختی هەرێم دەکات و دواتریش دەچێتە شاری سلێمانی بۆ بەشداریکردنی لە دیداری سلێمانی.
بەپێی زانیارییەکانی ئێن ئاڕ تی، سبەینێ سێشەممە محەمەد شیاع سودانی سەرۆکوەزیرانی عێراق سەردانی هەرێمی کوردستان دەکات و دواتریش بەمەبەستی بەشداریکردن لە "دیداری سلێمانی" سەردانی پارێزگای سلێمانی دەکات.
بڕیارە لە ماوەی دوو رۆژدا لە ١٥ و ١٦ـی ئەم مانگەدا زانکۆی ئەمریکی لە
سلێمانی حەوتەم دیداری سلێمانی لە ناو زانکۆکە رێکبخات.
لە دیدارەکەدا سەرکردە خاوەن بڕیارەکان لەسەر
ئاستی هەرێم و عێراق و رۆژهەڵاتی ناوەڕاست و ئەمریکا بەشدار دەبن و لەبارەی دیارترین
کێشە هەرێمییەکانەوە گفتوگۆ دەکەن.
بەڕێوەچوونی حەوتەم دیداری سلێمانی لەژێر ناونیشانی،
"پاش ٢٠ ساڵ؛ دۆخى عێراق لە نێوەندى ئاڵنگارییە جیهانییە نوێییەکاندا" دەبێت.
دیداری سلێمانی لە ساڵی ٢٠١٣ـەوە رێک دەخرێت و تێیدا چەندان سیاسی و خاوەن
بڕیار لەسەر ئاستی جیهان بۆ گفتوگۆکردن کۆدەبنەوە.