لە کاتی داخستنی بازاڕدا ١٠٠ دۆلار بە ١٥٧ هەزار و ٨٠٠ دینار مامەڵەی پێوەکرا و بەراورد بە کاتی کردنەوەی بازاڕ نرخەکەی دابەزی.
ئەمڕۆ چوارشەممە، لە کاتی کردنەوەی بازاڕی دراوەکاندا ١٠٠ دۆلار بە ١٥٨ هەزار مامەڵەی پێوەکرا و لە کاتی داخستنیدا ٢٠٠ دینار لە بەهاکەی کەمبووەوە.
ئەمەش لە کاتێکدایە، ئەمڕۆ بانکی ناوەندی ٢٢٣ ملیۆن و
٤٠٦ هەزار و ٧٩٤ دۆلاری خستە بازاڕەوە کە ١٠٠ ملیۆن و ١٠٠ هەزار دۆلاری بەشیوەی
نەقدی و ١٢٣ ملیۆن و ٣٠٦ هەزار و ٧٩٤ دۆلاری بەشێوەی حەواڵە بووە.
لە
ماوەی رابردوو راوێژکاری دارایی و ئابووری سەرۆکوەزیرانی عێراق رایگەیاند، جیاوازی
نرخی دۆلار لەنێوان بازاڕەکان و بانکی ناوەندی دەگەرێتەوە بۆ جێبەجێکردنی رێکارەکانی
توندکردنەوەی ئاسایشی بانکی و نەختینەیی عێراق و ئەم حاڵەتەش کاتییە.
ئاماژەی بەوەشدا،
لەگەڵ راهاتنی بانک و کۆمپانیاکان بە رێکارە نوێیەکان بەهای دۆلار نزم دەبێتەوە لە
نرخی دیاریکراوی فەرمی خۆیدا کە ١٣٢ بۆ ١٣٥ هەزار دینارە جێگیر دەبێت.