کۆمپانیایی ئیریکسۆنی سویدی تایبەت بە پەیوەندییەکان رایگەیاند، بەهۆی دۆسیەیی گەندەڵییەوە لە عێراق دەسەڵاتی دادوەری ئەمریکا سزای ٢٠٦ ملیۆن دۆلاری داوە.
بەپێی راگەیەندراوی کۆمپانیاکە، دەبێت بڕی ٢٠٦ ملیۆن و ٧٢٨ هەزار ٨٤٨ دۆلار وەک سزای دارایی بدەنە دەسەڵاتی دادوەری ئەمریکا و وەزارەتی دادی ئەمریکاش دەڵێت، کۆمپانیاکە لە ساڵی ٢٠١٩ـوە هیچ راپۆرتێکی چالاکی خۆی ئاشکرا نەکردووە بۆ لێکۆڵینەوە لە وڵاتانی چین و جیبوتی و ڤێتنام.
دەسەڵاتی دادوەری ئەمریکا باسی
لەوەشکرد، کۆمپانیایی ئیریکسۆن پێشێلی رێکەوتنامەی "هاوکاری و
ئاشکراکردن"ـی کردووە و ساڵی ٢٠١٩ کۆمپانیاکە
ملیارێک دۆلاری بە دەسەڵاتی دادوەری ئەمریکا داوە تاوەکو رێبکەوێت بۆ وەستاندی لێکۆڵینەوە
لە دۆسیەی گەندەڵی کۆمپانیاکە لە عێراق و جیبوتی و چین و ڤێتنام و ئەندەنوسیا و کوێت.
هاوکات وەزارەتی داد رەزامەندی
داوە دادگایکردنی کۆمپانیاکە بۆ سێ ساڵی داهاتوو دوابخات بەو مەرجەی ئەو سزا داراییە
بدات و پابەند بێت بە "کۆنترۆلکردنی ناوخۆیی" یاساکانی ئەمریکا و هاوکار
بێت لە ئەنجامدانی لێکۆڵینەوە.
کۆمپانیایی ئیرکسۆن پێشتر
و لە ساڵی ٢٠١٩ بڕی ٥٢٠ ملیۆن دۆلاری دیکە سزای دارایی داوەتە دەسەڵاتی دادوەری ئەمریکا
و دەبێت تا ساڵی ٢٠٢٤ لە ژێر چاودێری دابێت.