فەرمانگەی کارەساتەکان و رووداوە لەناکاوەکانی تورکیا بڵایکردەوە، ئەمڕۆ بومەلەرزەیەک بە گوڕی ٥ پلە بە پێوەری رێختەر لە ناوچەی کەهرەمان مەرعەشی داوە، هیچ زانیارییەکیشی لەبارەی زیانەکانەوە ئاشکرا نەکردووە.
فەرمانگەی کارەساتەکان و رووداوە لەناکاوەکانی تورکیا راگەیەنراوێکی بڵاوکردەوە و تیایدا هاتووە، لە بەرەبەیانی ئەمڕۆدا و کاتژمێر ٥ و ٥٣ خولەک بومەلەرزەیەک لە ناوچەی کەهرەمان مەرعەشی دا.
ئاماژەی بەوەشداوە،
بومەلەرزەی یەکەم بە گوڕی ٥ پلە بە پێوەری رێختەربووە و پاشلەرزەی دووەم لەکاژمێر
٧ و ٣٩ خولەک بووە بە گوڕی ٣.٩ پلە بە پێوەری رێختەر.
ئەمە لەکاتێکدایە، لە بەرەبەیانی
٦ی شوباتی ئەمساڵ بومەلەرزەیەک بە گوڕی ٧.٧ پلە بە پێوەری رێختەر باکور و رۆژئاوای
کوردستان و چەند ناوچەیەکی دیکەی لە تورکیا و سوریا هەژاند و بەشێک لە هاوڵاتییانی
عێراق و لوبنان و میسر هەستیان بە بومەلەرزەکە کرد.
بەهۆی بومەلەرزەکەوە لە
تورکیا و سوریا زیاتر لە ٥٠ هەزار کەس گیانیان لەدەستدا و بە سەدان هەزار کەسیش برینداربوون.