وەزارەتی نەوتی عێراق رایگەیاند، داهاتی فرۆشتنی نەوت بۆ مانگی شوبات زیاتر لە حەوت ملیار دۆلاربووە و رۆژانە زیاتر لە سێ ملیۆن بەرمیل نەوت بەرهەمهێنراوە.
وەزارەتی نەوتی عێراق ئاماری فرۆش و داهاتی نەوتی مانگی شوباتی بڵاوکردەوە و تیایدا هاتووە، لە مانگی شوباتدا بڕی ٩٢ ملیۆن و ٢٥٥ هەزار و ٦١٠ بەرمیل نەوتیان هەناردە کردووە و داهاتی نەوتیش حەوت ملیار و ٨١ ملیۆن دۆلار بووە.
لە راگەیەندراوەکەدا ئەوە خراوەتەڕوو، ٨٩ ملیۆن و ١٤٠ هەزار
و ٤٤٨ بەرمیل نەوت لە کێڵگە نەوتییەکانی ناوەڕاست و باشوری عێراق بەرهەمهاتووە و لە کێڵگە نەوتییەکانی
کەرکوکیش، دوو ملیۆن و ٨٣٤ هەزار و ٣٩٣ بەرمیل نەوت بۆ بەندەرەکانی جەیهان نێردراوە.
سەبارەت بە بەرهەمی رۆژانە، وەزارەتی نەوتی عێراق بڵاویکردەوە،
رۆژانە بڕی سێ ملیۆن و ٢٩٥ هەزار بەرمیل نەوت بەرهەمهاتووە و هەر بەرمیڵیک نەوت بە
٧٥ دۆلار و ٧٦ سەنت فرۆشراوە.
ئەوەش لە کاتێکدایە، مانگی رابردوو بەهەمان شێوە داهاتی نەوتی
عێراق زیاتر لە حەوت ملیار دۆلار بوو.
ک.ک