بەرپرسانی یەکێتی ئەوروپا ڕایانگەیاند، یەکێتی ئەوروپا لە ساڵیادی یەک ساڵەی جەنگی ئۆکرانیا-روسیا، پاکێجی دەیەمی سزاکانیانی سەر روسیایان پەسەندکردووە.
سەرۆکایەتی ئەنجومەنی یەکێتی ئەوروپا لە برۆکسل رایگەیاند، دوایین پاکێجی سزاکان بۆ سنووردارکردنی توانا داراییەکانی روسیایە، هەروەها برسیکردنی روسیا و فشارکردن لە هاوپەیمانەکانی.
وتیشی، هەوڵدەدەن ئامێرە تەکنەلۆژییەکان و توانا ناوەکیەکانی
روسیا لاواز بکەن.
ئاماژەی بەوەشکرد، پاکێجەکە سنووردارکردنی هەناردەکردن و
رێوشوێن دژ بەو لایەنانە لەخۆدەگرێت کە پشتگیری لە شەڕی روسیا دەکەن.
یەکێتی ئەوروپا سەبارەت بە ئۆکرانیا وتیشی، بە یەکگرتوویی
لەگەڵ ئۆکرانیا و گەلی ئۆکرانیا وەستاون و بەردەوام دەبن لە پشتگیریکردنی ئەو وڵاتە
تا ئەو کاتەی پێویست بێت.
ئەمڕۆ ٢٤ی شوباتی ٢٠٢٣ ساڵێکی تەواو بەسەر هەڵگیرسانی جەنگی
نێوان روسیا و ئۆکرانیا تێدەپەڕێت کە بەهۆیەوە دەیان هەزار سەرباز لە ریزی هێزە سەربازییەکانی
هەردوو وڵاتدا گوژراون و چەندین هاوڵاتی ئۆکرانیا ئاوارە و بێماڵ و حاڵ بوون.