حکومەتی کەنەدا رایگەیاند، بڕی زیاترلە ٣٢ ملیۆن دۆلار وەک هاوکاری پێشکەشی ئۆکرانیا دەکات و بەریتانیاش سزاکانی سەر روسیا فراوانتردەکات.
لەساڵیادی هەڵگیرساندنی جەنگی ئۆکرانیادا، وەزارەتی دەرەوەی کەنەدا راگەیەنراوێکی بڵاوکردەوە و تیایدا هاتووە، بە بڕی زیاتر لە ٣٢ ملیار دۆلار وەک پاڵپشتی دارایی بەئۆکرانیا دەدات هەتا بتوانێت پارێزگاری لە ئاسایش و سەقامگیری و سەربەخۆیی وڵاتەکەی بکات.
ئاماژەی بەوەشکردووە، قەبارەی هاوکارییە داراییە بڕیار لەسەردراوەکە لەسێ
بواری جیاجیادا پێشکەش بە ئۆکرانیا دەکرێت کە ئەوانیش بریتین لەتەرخانکردنی ٧.٥ ملیۆن
دۆلار بۆ هەڵگرتنەوە و پوچەڵکردنەوەی مینە چێندراوەکان و تەرخانکردنی زیاتر لە ١٣
ملیۆن دۆلار بەمەبەستی بەرەنگاربوونەوەی توندوتیژی سێکسی لەچوارچێوەی ململانێکاندا.
دەشڵێت، بەشی سێیەمی پاڵپشتییە داراییەکان کە ١٢ ملیۆن دۆلارە بەمەبەستی
رووبەڕووبوونەوەی هەڕەشەکانی بەکارهێنانی چەکی کیمیایی و بایەلۆجی و ئەتۆمەوە تەرخانکراوە.
هاوکات، وەزارەتی دەرەوەی بەریتانیا
رایگەیاند، حکومەتەکەی لیستی سزادانەکانی روسیا بەرفراوانتردەکات و ژمارەی سزاکانی
بەریتانیا بۆسەر روسیا هەزار و ٥٠٠ سزای تێپەڕاندووە.
هاوکات حکومەتی کەنەدا لەماوەی
رابردوودا هاوکاری سەربازی و دارایی و ئابوری پێشکەشی ئۆکرانیا کردووە و چەندین
تانک و زرێپۆشی لیۆپارد و جۆرە جیاوازەکانی دیکەی کەرەستەی جەنگی پێداوە.
ئەمڕۆ ٢٤ی شوباتی ٢٠٢٣ ساڵێکی تەواو بەسەر هەڵگیرسانی جەنگی نێوان روسیا و ئۆکرانیا تێدەپەڕێت کە بەهۆیەوە
دەیان هەزار سەرباز لە ریزی هێزە سەربازییەکانی هەردوو وڵاتدا گوژراون و زیانێکی
ئابوری گەورە بەر ژێرخانی ئابوری کەنەدا کەوتووە و زیاتر لە ملیۆنێک هاوڵاتی ئەو وڵاتە
ئاوارە و بێماڵ و حاڵ بوون.