بوومەلەرزەیەک بە گوڕی ٤.١ پلە بە پێوەری رێختەر لە میسر روویدا کە چەقەکەی ناوچەی سوێس بوو.
پەیمانگای نیشتمانیی توێژینەوەی گەردونناسی و جیۆفیزیکی میسر لە هەژماری تایبەتی خۆی لە تۆڕی کۆمەڵایەتی فەیسبووک رایگەیاند، بوومەلەرزەکە بە گوڕی ٤.١ پلە بە پێوری رێختەر بووە و لە قوڵایی ١٠ کیلۆمەتردا روویداوە.
میدیاکانی میسریش بڵاویانکردەوە، بوومەلەرزەکە لە زۆربەی ناوچەکانی وڵاتەکەدا
هەستی پێکراوە، و هیچ زیانێکی گیانی و ماددی نەبووە.
ئەمە لەکاتێکدایە، لە بەرەبەیانی ٦ی شوبات بومەلەرزەیەک بەگوڕی ٧.٦ پلەی
رێختەر باکور و رۆژئاوای کوردستان و بەشێکی تورکیا و سوریای هەژاند و بەهێزی بومەلەرزەکە
بووە هۆی گیانلەدەستدانی زیاتر لە ٥٠ هەزار کەس و ئاوارە بوونی سەدان هەزار خێزان
سەرەڕای روخانی هەزاران باڵەخانە و زیانێکی زۆری مادی.
دوا بەدوای ئەوەش تا ئێستا پاشلەرزەکان
لەو وڵاتە بەردەوامن کە بە گوڕی جیاواز لەو وڵاتە دەدەن.
لە دوای بومەلەرزەکەی تورکیا و سوریا،
بومەلەرزە بە گوڕی جیاواز لە ئێران و تاجیکستان و لوبنان و ئەردەن و چەند وڵاتێکی
دیکەشی داوە، بە هەرێمی کوردستانیشەوە. بەشێک لە بومەلەرزەکان زیانیان هەبووە و
بەشێکی دیکەشیان تەنها لەلایەن دانیشتوانی ناوچەکەوە هەستییان پێکراوە.