کۆمپانیای سپەیس ئێکسی ئەمریکی خزمەتگوزاری رۆمینی جیهانی راگەیاند کە بە سیستەمی ستارلین کاردەکات و لە رێگەی مانگە دەستکردەکانەوە هێڵی ئینتەرنێت دەگوازێتەوە.
رۆژنامەی ڤێرج بڵاویکردەوە، کۆمپانیای سپەیس ئێکس دەستی بە تاقیکردنەوەی خزمەتگوزاری رومینی جیهانی کرد کە بە سیستەمی ستارلینک کاردەکات و هێلی ئینتەرنێت بۆ هەموو جیهان دابین دەکات.
سیستەمی ستارلینک رێگە بە هەموو بەکارهێنەران دەدات هێڵی ئینتەرنێتیان دەستبکەوێت
لە هەموو جێیەکی جیهان و کرێی مانگانەی ئەم سیستەمە ٢٠٠ دۆلارە و نرخی ئامێر و کەرەستە
سەرەکییەکانی ستارلینک ٥٩٩ دۆلارە.
خێرایی هێڵی ئینتەرنێتی ستارلینک لە ئاستێکی باڵادایە، بەڵام هەندێک کات
ئەگەری هەیە هێڵەکە بپچڕێت یاخود خاوببێتەوە و لەگەڵ کات خزمەتگوزارییەکە پەرەی پێدەدرێت
و باشتر دەکرێت.
خزمەتگوزاری رومینی جیهانی سیستەمی ستارلینک لە ئێستادا لە هەموو وڵاتانی
جیهان بەردەست نییە، کۆمپانیای سپەیس ئێکس کاردەکات بۆ رێککەوتن لەگەڵ وڵاتانی دیکەی
وەک هیندستان و پاکستان و کەمبۆدیا بۆ جێگیرکردنی سیستەمی سپەیس ئێکس تێیاندا.
کۆمپانیای سپەیس ئێکس، کۆمپانیایەکی ئەمریکییە و لە بواری تەکنیکی و بۆشایی
ئاسماندا کاردەکات و لەلایەن ئیلۆن مەسکەوە دامەزرێنەری کۆمپانیای تێسلاوە خاوەنداری
دەکرێت.