AM:10:52:17/02/2023
147252 جار خوێندراوەتەوە
ئەمڕۆ بازاڕەکانی دراو لە عێراقدا داخراون بەهۆی پشووی هەفتەوە، بەڵام لە شەوی رابردوودا دۆلار دابەزینی بەرچاوی بەخۆیەوە بینی و لە گروپ چاتەکانی بازرگانانی دۆلار لە ئێستادا نرخی ١٠٠ دۆلار لە هەولێر بە ١٥٢ هەزار و ٩٠٠ دینارە.
لەمڕۆدا، نرخی ١٠٠ دۆلاری ئەمریکی لە بەغدا بەرامبەر ١٥٢ هەزار دینارە و لە هەولێر هاوتای ١٥٢ هەزار و ٩٠٠ دینارە، لە درەنگانی شەوی رابردووشدا نرخی ١٠٠ دۆلاری ئەمریکی لە سلێمانی بووە ١٥٢ هەزار و ٥٠٠ دینار.
ماوەی زیاتر لە مانگێکە نرخی دۆلار لە بازاڕە ناوخۆییەکانی عێراق
ناجێگیری بەخۆیەوە دیووە، بانکی ناوەندی پێشنیازی دابەزاندنی بەهای دۆلاری کرد لە
١٤٥ هەزارەوە بۆ ١٣٠ هەزار دینار و ئەوەش وایکرد نرخی ١٠٠ دۆلار بەشێوەی بەرچاو
داببەزێت لە ١٧٠ هەزارەوە بۆ ١٤٨ هەزار دینار، بەڵام دواتر تا ١٥٦ هەزار دینار
بەرزبووەوە.
کۆبوونەوەکانی بانکی ناوەندی عێراقی و بانکی فیدڕاڵی ئەمریکا لە تورکیا و
دواتریش کۆبوونەوەی شاندی عێراقی و ئەمریکی لە واشنتن و ناوهێنانی بە "کۆبوونەوەی
ئەرێنی" کاریگەری بەرچاوی هەبووە لەسەر دابەزینی دۆلار، لە بەرامبەریشدا
نەبوونی متمانە بە دراوی عێراقی لەلای هاوڵاتیان و بوونی قاچاخچێتی دۆلار و رێکارە
تووندەکان و کەمخستنەبازاڕی دۆلار لە ماوەی رابردوو، وای کردووە نرخەکەی
بەرزببێتەوە.