زانا ئەڵمانییەکە پشتی بەو وێنانە بەستووە کە لەلایەن کۆمپانیای "ماکسار"ی بواری ئاسمانەوە گیراون و لەڕێگەی کۆمپانیای گوگڵەوە بڵاوکراونەتەوە، ئەوەش لەکاتێکدایە هەردوو وێنەکە لە ناوچەی نورداغی سەربە پارێزگای غازی عەنتاب گیراون کە دەکەوێتە باشوری تورکیاوە و یەکێکە لە کارەساتبارترین ناوچەکانی بوومەلەرزەکە بەوەی زۆرترین زیانی بەرکەوتووە و تێکشکاندنێکی بەرچاو لەوێنەکاندا دەبینرێت بەشێوەیەک تێکشکانەکە بە سێ تا چوار مەتر دادەنرێت لەباری ئاسۆییدا.

لە بەراوردێکی دیکەی ئەو وێنانەی کە لە ناوچەی نورداغ گیراوە، لادانەکە بەلای راستدا دەرکەوتووە و توێژەرەکە داوای کردووە سەیری سایلۆ داڕماوەکانی ئەم لایە بکرێت. ئەوەش لەکاتێکدایە، توێژەرە ئەڵمانییەکە بەراوردی رێگای خێرای ناوچەکەی کردووە لە هەردوو کاتی پێش بومەلەرزەکە و دوای بومەلەرزەکەش کە گۆڕانکارییەکی بەرچاو تێیدا روویداوە.

زانایانی بواری بومەلەرزەزانی لەماوەی رابردوودا رایانگەیاندبوو، ئەو بومەلەرزەیەی لە تورکیا روویداوە گۆڕانکاریەکی بەرچاو لەچینی تەکتۆنی زەویدا بەدوای خۆیدا دەهێنێت و مەودای سێ مەتر دەیجوڵێنێت کە پەیوەندیدارە بەگوڕی بومەلەرزەکە و قەبارەی ئەو زیانانەی گەیاندوویەتی. هاوکات، درزێک لە نێوان پلێتی ئەنادۆڵ و پلێتی عەرەبیدا روویداوە، ئەمەش دوای ئەو بوومەلەرزە وێرانکەرەی کە بە گوتەی ئەوان گوڕی ٧.٨ پلەی ریختەر بووە.

One final comparison with the damage (and already onging repair) of the O-52 / E90 North of #Nurdagi, #Turkey#earthquake #deprem

imagery from google-earth and maxar pic.twitter.com/twepHwp38v

— Andreas Schäfer (@DrAndreasS) February 9, 2023