PM:01:09:07/02/2023
11540 جار خوێندراوەتەوە
کەمێک بەر لە ئێستا نرخی دۆلار لە بازارەکانی هەرێمدا زیاتر دابەزی و ١٠٠ دۆلار بەرامبەر بە ١٥٨ هەزار و ٥٠٠ دینار مامەڵەی پێوەدەکرێت.
دابەزینی نرخی دۆلار بۆ ١٥٨ هەزار و ٥٠٠ لە کاتێکدایە بەراورد بە کاتی کردنەوەی بازاڕ سێ هەزار دینار دابەزیوە و بەراورد بە کاتی داخستنی بازاڕ لە دوێنێشدا، هەشت هەزار دینار دابەزیوە.
هەوڵەکانی حکومەتی
عێراق و بانکی ناوەندی بۆ نزمکردنەوەی بەهای دۆلار بەرامبەر بە دینار لە بەردەوامیدایە
و دوێنێش باکی ناوەندی لێکۆڵینەوەکانی تایبەت بە یەکەم پاکێجی رێکارەکانی کەمکردنەوەی
نرخی دۆلاری رادەستی محەمەد شیاع سودانی سەرۆکوەزیرانی عێراق کرد.
ئەمەش لە کاتێکدایە،
ماوەیەکە نرخی دۆلار بەرامبەر بە دینار لە ناجیگیریدایە و بانکی ناوەندی ئەمریکاش
بە گومانی بە قاچاغبردنی دۆلار چەند رێکارێکی توندی بەرامبەر عێراق گرتەبەر کە بووە
هۆی زیاتر بەرزبوونەوەی نرخی دۆلار و دواتر وەزارەتی گەنجینەی ئەمریکا لەگەڵە بانکی
ناوەندی عێراق رێککەوتن بۆ نەرمی نواندن بەرامبەر هەر ئاسانکارییەک ببێتە هۆی دابەزاندنی
نرخی دۆلار.
ئـ.کـ
هـ. ئـ