ئاماژەی بەوەشداوە، حکومەتی بەریتانیا دەیەوێت رێگری بکات لە تانە دان لە بڕیاری دیپۆرتکردنەوە لەلایەن ئەو کەسانەی لە رێگایکەناڵی ئاویی ئینگلیزەوە و بەهۆی بەلەمی بچووکەوە خۆیان گەیاندووەتە ئەو وڵاتە.

وتیشی، وەزارەتی ناوخۆی بەریتانیا کار لەسەر دوو رێکاری بەرەنگاربوونەوەی گرفتی کۆچی نایاسایی دەکات ئەوانیش بریتین لە: "قەدەغەکردنی داوای مافی پەنابەری یان کاتێک بتوانن تانە لە بڕیاری دادگا بدەن کە دیپۆرتکرابێتنەوە."

باسی لەوەشکردووە، "هەنگاوی لەپێشینەی ئێمە کۆتایی هێنانە بەو پەڕینەوە نایاساییانە. هەر بۆیە بەلەمی بچووکی چاودێری و تیمی تۆکمە بۆ ئەو مەبەستە راسپێردراون بۆئەوەی کۆتایی بە قاچاغچێتی بە مرۆڤەوە بهێنین."

ئەمەش لە کاتێکدایە، لە ماوەی رابردوودا فەڕەنسا و بەریتانیا رێککەوتن لەسەر هاوکاریکردنی یەکدی بۆ توندکردنەوەی رێکارەکانی پەڕینەوەی کۆچبەران لە کەناڵی ئینگلیزییەوە بۆ بەریتانیا.

کەناڵی ئینگلیزی کەناڵێکی ئاوییە؛ کە لەنێوان هەردوو وڵاتی فەرەنسا و بەریتانیادایە و لە ماوەی چەند ساڵی رابردوودا رێژەی کۆچی کۆچبەران لەو کەناڵەوە رووی لە زیادبوونکردووە و تاوەکو ئێستاش چەندین رووداوی نوقومبوونی بەلەمی کۆچبەران لەو کەناڵەدا روویداوە، کە بەشێکی قوربانییەکان کورد بوون.

هـ.حـ

هـ.ئـ