سەرۆکی هاوپەیمانی دەوڵەتی یاسا رایگەیاند، بە جوڵەی سیاسی بەهای دۆلار لە عێراق جێگیر ناکرێتەوە بەڵکو دەبێت رێگری بە قاچاخبردنی دۆلار بکرێت و رێککەوتن لەگەڵ حکومەتی ئەمریکا ئەنجامبدرێت و دەشڵێت، "تەنها بەو شێوەیە کێشەکە کۆتایی دێت."
نوری مالیکی سەرۆکی هاوپەیمانی دەوڵەتی یاسا بە میدیا ناوخۆییەکانی راگەیاند، تاکە رێگا بۆ جێگیرکردنەوەی بەهای دۆلار بریتییە لە گفتۆگۆکردن لەگەڵ حکومەتی ئەمریکا و رێککەوتن لەگەڵیان و بەو شێوەیەش کێشەکە کۆتایی دێت و لەسەر بانکی ناوەندی عێراقە بەقاچاخبردنی دۆلار سنووردار بکات.
عێراق رووبەڕووی مەترسییەک
بووەتەوە ئەویش لە دەستدانی کۆنتڕۆڵی بەهای دۆلارە و ئەو حەواڵانەی بازرگانەکان و
مامەڵەکارانی دراو کاریان پێدەکرد چاودێری ئەمریکایان لەسەر بوو و چەکی
بەهێزی ئەمریکاش دراوەکەیەتی.
ئاماژەی بەوەشدا، ئەمریکا
بەردەوام لە هەوڵی ئەوەدایە پارێزگاری لە دۆلار بکات و لە دەستی هەڵە بیپارێزێت و
لە عێراقیشدا چەند پێشێلکارییەک لە مامەڵەکردنی دۆلاردا ئەنجامدراوە و حکومەتیش
ئاگادارە لێی و بەزری بەهای دۆلاریش کاریگەری نەرێنی لە رێژەی یەدەگی دۆلاریش کردووە.
ئەوەشی خستەڕوو، چارەسەری
بەهای بەزری دۆلار لە رێگەی راگەیندراو و جووڵەی سیاسی ناکرێت بەڵکو بە رێکاری
راستەقینەی وەک رێکخستنی جموجوڵی بانکەکان و رێکسختنی جموجۆڵی حەواڵەکان و رێگەگرتن
لە بەقاچاخبردنی دۆلار بۆ وڵاتانی دراوسێ ئەنجام دەدرێت.