پسپۆڕێکی خۆراک رایدەگەیەنێت، ترخێنە یەکێکە لە خواردنە ناسراوەکانی خوانی کوردەواری، بە تایبەت لە وەرزی زستان و کاتی سەرماو سۆڵە زیاتر دەخورێت، کە چەندین سوودی گرنگ بە جەستە دەبەخشێت.
کامەران رەسوڵ ژاژڵەیی پسپۆڕی زانستی خۆراک لە پەڕەی فەرمی خۆی لە فەیسبووک بەمجۆرە سوودەکانی ترخێنەی خستووەتەڕوو:
یەکەم: بەهێزکردنی کۆئەندامی بەرگریی جەستە و خۆپاراستن لە هەڵامەت و پەتای
وەرزی.
دووەم: جگە لە پێدانی وزە بە جەستە یارمەتی گەرمکردنەوەی دەدات و بەرگەی
هەستی سەرما دەگرێت.
سێیەم: سوودی بۆ دابه‌زاندنی کێش هەیە لە کاتی ڕێجیم و ڕێگریکردن له قه‌ڵه‌وبوونه‌وه
و زۆری کێش، چونکه بڕێکی که‌م کالۆری تێدایه و ده‌وڵه‌مه‌نده به مادده ریشاڵییه‌کان
و ئاو و خێراتر هەست بە تێریی دەکەیت.
چوارەم: یارمەتی به‌هێزکردنی یادەوەری و کاراکردنی خانەکانی مێشک و کۆئەندامی
دەمار .
پێنجەم: یارمەتی چالاککردنی کۆئه‌ندامی هه‌رس و ڕێگه گرتن له قه‌بزی دەدات.
شەشەم: خۆپاراستن له کەمی ماددەی ئاسن و کەمخوێنی و چارەسەرکردنی .
حەوتەم: یارمەتی خۆپاراستن له نه‌خۆشییەکانی دڵ و ته‌سکبوونه‌وه‌ی خوێنبه‌ره‌کان
دەدات.
هەشتەم: خۆپاراستن له هەندێک جۆری شێرپه‌نجه دەدات.
نۆیەم: رێگری له نه‌خۆشی نه‌رمبوونه‌وه‌ی ئێسک و که‌مکردنه‌وه‌ی نیشانه‌کانی
دەدات.
ئ.ل